Visita guiada á igrexa da Asunción da Guarda organizada por Anabam

O próximo 27 de maio, sábado, Anabam organiza unha visita guiada á igrexa parroquial da Asunción de Santa María da Guarda, con hora de comezo ás 10.30 na rúa Nandín Lomba, á carón da escultura de “O Lector”. Será a primeira vez que este templo sexa objeto en exclusiva dun itinerario cultural e completo pola súa contorna e interior.

As orixes do templo e os seus construtores; os fundadores das capelas, os altares desaparecidos e os propietarios dos escudos que garda esta igrexa formarán parte dun percorrido no que tamén se falará das imaxes “internacionais” que garda o templo, dos santos peregrinos, os inquisidores e os pintores que deixaron as súas cores en imaxes e retablos. Enterramentos, espolio e doazóns formarán parte da explicación que dará Antón Ferreira nunha visita gratuíta que, dado o lugar da mesma, ten prazas limitadas, sendo necesario inscribirse previamente enviado un whasapp ao número 636 091 089, desde o que se confirmará a inscrición.