XUVENTUDES SOCIALISTAS DE A GUARDA A PROL DO RECOÑECEMENTO DA FIBROMIALXIA

O pasado sábado 9 de Maio puidemos ler na sección de "Cartas ó Director" do Faro de Vigo este testimonio anónimo, que retrata moi ben a desesperanza na que acaban os doentes e denuncia a falta de axuda dun colectivo esquecido como é o das pacientes afectadas pola fibromialxia. So en España cifrase nun 2,4% da poboación pero nos novos novos estudios estanse a descubir un maior impacto, con moitos pacientes non tratados ademáis de derivacións de outras doenzas. Cada 12 de Maio non é un máis no calendario para estas persoas, xa que parece ser o único día no que teñen acceso a algunhas institucións.

"A fibromialxía non é mais que unha das moitas enfermidades esquecidas na nosa comunidade, por exemplo a Asociación Galega de Fibromialxía (AGAFI) está integrada por 1300 afectados galegos, pero insistimos hai moitos non diagnósticados. É unha desas enfermidade que teñen un gran impacto sobre todo nas mulleres, por non dicir case a totalidade neste caso. A necesidade dunha cobertura sanitaria de calidade dende o sector público debe ser prioritaria, polo que un maior investimento, control e cobertura en doenzas como estas deben ser prioridade nas obras acometidas dende a Consellería de Saude. Pero isto parece que entran en contraposición cos intereses mostrados dende a Xunta de Galicia, que non deixa máis que abandonados os pacientes guardeses e galegos cos seus recortes e privatizacións da saude pública." declarou, esta mañá, o Secretario de Benestar e asuntos sociais das XX SS. da Guarda. Exemplificou estas situacións cas "derivacións a POVISA ou as privatizacións do novo Complexo Hospitalario vigués, ou os acinamentos nos corredores dos hospitais galegos do que se fixo eco a prensa nacional".

Por iso as Xuventudes Socialistas da Guarda e as de Galicia, xa que o Partido Popular demostrou non facelo. seguirán traballando por unha sanidade pública de calidade, que recoñeza e axude os colectivos que precisan de maior investigación nas súas doenzas, igual que o PSdG, que esta traballando, entre outras cousas, no eido do recoñecemento das enfermidades musculo-esqueléticas (nas que se enmarca a fibromialxía) no ámbito laboral, como no caso das redeiras Este foi un dos temas que tratou nunha recente visita á vila, a Secretaria de Economía Pesqueira do PSdG, Carmen Casalderrey, nunha reunión cas redeiras guardesas no seu lugar de traballo, no Porto da Guarda.

Non ó esquezas, a sanidade galega está ameazada mentres o goberno do Partido Popular de Alberto Nuñez Feijoo sega pensando nos galegos como caixeiros e non como doentes. Non podemos permitir que isto siga acontecendo, xa que a sanidade é un dereito non un negocio.

Secretaría de Benestar e Asuntos Sociais
Xuventudes Socialistas da Guarda