A Agrupación Socialista de Tui elixe novo Comité Executivo

A Agrupación Socialista de Tui celebrou este sábado a Asemblea Extraordinaria para a elección do novo Comité Executivo, no que se apostou pola continuidade dos membros da anterior Executiva, para deste xeito, dar estabilidade e continuidade ó proxecto político iniciado xa no ano 2011 polo PSdeG en Tui.

A Comisión Executiva, elexida por aclamación dos militantes, queda integrada por dez membros, estando de novo encabezada polo ex Alcalde de Tui Enrique Cabaleiro, reelexido Secretario Xeral e na que están tamén os concelleiros do PSdeG de Tui, Yolanda Rodríguez como Secretria de Facenda e Programas e José Ramón Magán coma Secretario de Política Municipal e Réxime Interno. Sonsoles Vicente Solla seguirá a fronte da Secretaría de Organización e Militancia.

Durante o transcurso da Asemblea, Enrique Cabaleiro Secretario Xeral e ExAlclade, fixo balance dos dous anos e catro meses de goberno do PSdeG no Concello de Tui, no que salientou que durante este curto periodo de tempo abriuse en Tui un novo camiño político, de renovación e estabilidade institucional, recoñecendo a laboura e aportación dos Grupos Políticos cos que se compartiu Goberno, Son de Tui, Alternativa Tudense e BNG, o que permitiu levar adiante o programa político co que os socialistas se presentaron ás eleccións, cumprido nunha parte importante e truncado finalmente pola mocion de censura que se presentou en Outubro, e que segundo Enrique Cabaleiro, devolveu a Tui aos tempos políticos do pasado e fracturando a estabilidade institucional.

En canto a xestión, o ex Alcalde Enrique Cabaleiro, suliñou que durante o seu mandato redactáronse e aprobáronse no concello de Tui os proxectos de expropiación da rua Ourense, só pendente de licitación nestes momentos, redactándose tamén o proxecto de apertura desa rúa no sentido Sur. Asemade se redactaron e aprobaron os proxectos de construcción da rotonda do Alfonso I en Guillarei, a humanización da estrada de Caldelas, a construcción do muro dos xardíns Troncoso e a dotación presupuestaria para a construcción da Pasarela do Louro, todo isto por un importe de preto de un millón de euros. Tamén quedaron aprobados os proxectos de humanización da rúa Casal Aboy, a reforma dos edificios de piragüismo e nautico, a redacción do anteproxecto de parking na trasera da área panorámica, o cambio de luminaria no casco histórico, a rehabilitación do edificio a rúa Camilo Jose Cela e a adquisición do recinto aduaneiro, proxectos que alcanzan un importe de un millón seiscentos mil euros. Tamén quedaron redactados os proxectos de apertura de ruas vinculados ao Plan Xeral de Tui: a apertura da rúa Videira, a expropiación e equipamentos da Finca Lagarteira, a expropiación e dotación do patio do Colexio número 1 de Tui e os traballos iniciais de apertura da rua Irmáns Maristas e Ricamonde.

Asemade tamén se redactaron os proxectos de humanización da rua Augusto González Besda e Avda. da Concordia, os paseos fluviais do Miño e do Tripes e a rehabilitación do mercado de abastos e o seu entorno. Tamén se fixo fincapé nas medidas de modernización da administración local, coma a implantación da administración electrónica e os traballos de mellora nos equipamentos públicos coma parques e xardíns e tamén nos centros educativos e deportivos do Concello de Tui.

Enrique Cabaleiro finalizou a súa exposición manifestando a súa intención de voltar a presentarse de novo as eleccións municipais de 2019, recibindo o respaldo unánime da súa organización e que se formalizará dentro do prazo establecido polo partido para a formalización de candidaturas.