A Asociación Cultural Alfombras da Guarda convida á veciñanza a facer alfombras florais co tema de Galicia e do Xacobeo

A Asociación Cultural Alfombras da Guarda, debido á situación excepcional motivada pola crise sanitaria da Covid-19, e en vista de non poder celebrar as alfombras florais do santísimo como cada ano, convida á veciñanza a facer alfombras florais coa iniciativa "Fai a túa alfombra floral na Praza".

• Reúne aos teus amigos, familiares ou veciños en grupos de 6 persoas como máximo.
• Busca como base do teu deseño o tema Galicia ou Xacobeo.
• Anótache, antes do día 23 de maio, en asociacionalfombrasaguarda@gmail.com e adxudicarémosche unha praza para realizar a vosa algombra.
• O día 6 de xuño, apartir das 9 da mañá, realizaremos as nosas alfombras cos materiais que queiramos e completaremos o noso particular camiño "A Guarda, Camiño da Costa, Camiño das Flores.
• A alfombra poderase realizar sobre plástico, cartón ou directamente no chan pero, neste caso, so se poderá utilizar xiz para pintar.
• Se usas materiais tinguidos ou calquer outra cousa que poida danar o chan da praza, utiliza plásticos para manipulalos e non manchar o pavimento.

E a norma máis importante, vixía as normas sanitarias habituais de distancia, máscara e limpeza de mans.