A Deputación financiará a construcción do skate park Atalaia na Guarda

Así, a institución provincial destina ao concello de Cangas dúas novas achegas cun valor total de 329.994,13 euros. Máis polo miúdo, o goberno de Carmela Silva destina 177.532,05 euros ao proxecto de mellora de abastecemento e saneamento en Camiño Rabáns, Pagha da besta e praia Castiñeiras; e outros 152.462,08 euros para a mellora de servizos e pavimentación da rúa Valentín Losada. Con esta achega, Cangas xa ten recibido 974.908,66 euros do Plan Concellos 2018, é dicir, o 51,66% do Plan Provincial.

Pola súa banda, o concello de A Guarda recibe por parte da Deputación 79.739,65 € que destinará á construción do skate-park Atalaia. O goberno de Carmela Silva xa destinou á Guarda 709.500,91 euros do Plan Concellos 2018, o que supón o 52,6%.

No caso de Mos, a Institución achega un total de 120.000 euros para financiar o proxecto dun parque en Pesqueira, Paseo do Louro. Con esta achega, Mos xa ten recibido 305.734,09 euros do Plan Concellos 2018, é dicir, o 18,47% do Plan Provincial.

Así mesmo, a Deputación destina 84.643,17 euros ao concello de Nigrán para o acondicionamento da rúa Igrexa-Chandebrito. A institución provincial xa destinou a Nigrán 404.854,59 euros, isto supón o 23,69% do plan.

E xa por último, o goberno de Carmela Silva achega 96.255,51 euros ao concello de Ponteareas para o proxecto de substitución do equipo de climatización na piscina municipal. Con esta achega, Ponteareas xa ten recibido 468.656,51 euros do Plan Concellos 2018, é dicir, o 23,61%.

Este ano a Deputación de Pontevedra pon a disposición dos concellos da provincia, no marco da liña 1 do Plan Concellos, case 60 millóns de euros, distribuídos entre 28.501.200 € do Plan 2018 e o adianto de 30 millóns de euros da liña 1 do Plan 2019.