A Subdelegada do Goberno participa en Tui no X aniversario da firma do acordo de irmandamento entre Tui e Versmold

A subdelegada do Goberno en Pontevedra, Maica Larriba, deulle esta mañá os parabéns aos municipios de Tui e Versmold (Alemaña) con motivo do X aniversario da firma do acordo de irmandamento entre as dúas localidades. A subdelegada participou nos actos institucionais organizados polo Concello de Tui co gallo deste aniversario, que coincide, ademais, coa celebración das festas patronais de San Telmo.

Maica Larriba conversou co alcalde, Enrique Cabaleiro, e cos representantes da delegación procedente de Versmold, poñendo os azos de amizade que unen a ambas vilas como exemplo de participación activa dos cidadáns no impulso da colaboración entre administracións locais a nivel internacional en beneficio dos propios veciños e veciñas.

Versmold é unha cidade situada no estado federado de Renania na que se asenta unha ampla comunidade de veciños de Tui, que foron os impulsores deste acordo de irmandade. Ao longo desta década realizáronse ao abeiro desta iniciativa múltiples actividades, entre as que destacan os intercambios no ámbito deportivo, cultural, etc.

O acto de recepción á comitiva procedente de Versmold tivo lugar na casa do Concello, dirixíndose posteriormente á rúa Ourense para descubrir o denominado “banco da amizade Tui- Versmold”.