A Xunta activa un programa integrado para desempregados no Concello de Tui

Deste xeito, o programa, que acaba de comezar este mesmo mes, favorecerá aos veciños deste concello, cun investimento de 250.000 euros. Os alumnos procederán das Oficinas de Emprego, e o control e seguimento dos cursos será responsabilidade da administración autonómica.

Deste xeito, a Xunta porá en marcha nas próximas semanas na provincia de Pontevedra un total de 11 programas integrados de emprego, dos cales 13 son de concellos (un deles conformado por cinco municipios), un da Mancomunidade do Salnés e outro da Fundación Cultural da Estrada. Cada curso beneficiará a 100 participantes. O orzamento para toda a provincia de Pontevedra supera os 2,5 millóns de euros.

Tal e como explicou o delegado territorial, os programas integrados de emprego, que teñen uno ano de duración, "están enfocados a mellorar a ocupación dos desempregados establecendo como obxectivo a inserción laboral dun mínimo do 30% dos seus participantes, é dicir, máis de 1.300 en toda Galicia". Cada plan integrado inclúe accións personalizadas de diversa natureza -como información, orientación, asesoramento e formación- combinadas con prácticas laborais.

A actuación forma parte da Axenda 20 para o Emprego, a planificación do Goberno galego en materia laboral para impulsar o traballo estable e de calidade e coa que se pretende en 2020 reducir a taxa de paro ata o 10% coa creación de, polo menos, 80.000 novos empregos.

O Goberno galego, a través desta folla de ruta, vén activando ao longo deste ano diversos programas e axudas enfocados a ampliar as oportunidades laborais dos galegos e galegas como son os cursos de formación, os obradoiros, as lanzadeiras de emprego ou a iniciativa Formación á porta para cualificar a mozos e mozas do rural.