Axentes da Policía Local de Tui denuncian situación de precariedade laboral

Seis dos oito axentes da Policía Local de Tui veñen de presentar un escrito por Rexistro de Entrada dirixido o Alcalde de Tui para denunciar a total situación de precariedade laboral que, aseguran, padecen no que a número de traballadores, instalacións e condicións económicas se refire.

Segundo manifestaron neste escrito na actualidade a Policía Local de Tui presta un servizo de 24h cos 8 axentes dispoñibles o que dín que é insuficiente, provocando que haxa turnos que estéan cubertos só por un axente, mesmo turnos nocturnos ou nos días de maior conflictividade, coma a Cabalgata Internacional de Reis ou nasmañás dos domingos trala "movida" nocturna.

Isto fai que se teñan que cubrir os eventos anuais con horas extraordinarias, en detrimento dos seus días de descanso e días libres, traballos que chegan a cobrar mesmo cun ano de retraso.

Os axentes dín sentirse desamparados e abandoados polo Concello de Tui, vendo como nos Concellos limítrofes non existen eses problemas de falla de persoal e mala cordinación de horarios, cun salario de media un 40% máis baixo cos seus homólogos máis próximos.

Reclaman ademáis unhas instalacións en condicións para un correcto desenrolo do seu traballo.

Deste xeito manifestan que desisten realizar horas extraordinarias e servizos a maiores dos que lles obriga a lei posto que vai en contra da propia cidadanía e da seguridade.

Finalizan o escrito solicitando que se lles permita cambiar a outro corpo policial, namentres agardan acollerse ó sistema de movilidade para poder cambiar de municipio e mellorar a súa situación.