Benxamíns AD Tomiño -B- desfrutan do seu primeiro triunfo.

Abriuse unha xornada cunha dobre boa nova: por un lado, os Benxamíns AD 'B' lograban por fin celebrar unha vitoria ao gañar por 2 a 0 ao Gondomar FB 'B' nas cercas. Gañar ou perder nas categorías máis pequenas non é o máis importante pero a ninguén lle amarga un doce e a alegría dos nosos xogadores así o constatou. Por outra banda, os Cadetes AD non por estar acostumados, deixan de desfrutar ofrecendo bos partidos e sumando puntos, nesta ocasión cun 6 a 0 ante A Guía Guardesa.

Chegaron despois os encontros ante o Rápido de Bouzas que se saldaron positivamente para os nosos intereses. Os Prebenxamíns AD, que están imparables, volveron gañar nun partido moi disputado por 3 goles a 2. Os Benxamíns AD pola súa parte, volveron sumar un empate no que as defensas pesaron máis que as dianteiras e os goles non compareceron. Ao contrario aconteceu no encontro dos Alevíns AD que ofreceron aos afeccionados un espectacular 5 a 3 para sumar un novo triunfo que os coloca nos postos altos da súa clasificación.

Para rematar a xornada do sábado, os Xuvenís AD gañaron con autoridade o complicado encontro ante o Colegio Apostol por 4 goles a 1. Con este resultado os nosos adiantan ao equipo colexial e achéganse á franxa da trintena de puntos, por detrás, non obstante, os equipos que o perseguen continúan sumando a bo ritmo.

O domingo tróuxonos a única derrota da xornada. O UD Ribera, rival dos nosos Infantís AD lidera con solvencia a súa liga e, a pesar de que os nosos opuxeron resistencia, o 4 a 2 certificou a superioridade do equipo rosaleiro.

A pesar desta última derrota, foi un moi boa xornada dos nosos e, o próximo fin de semana: fútbol e entroido.