C21 rexeita os actos de vandalismo perpetrados no centro histórico

C21 ven de lamentar e condenar a actividade vandálica levada a cabo a pasada noite na rúa de San Telmo.

Os liberais din sentirse moi tristes e enfadados polo feito de que un ou varios suxeitos incívicos realizasen pintadas nas fachadas de varios inmobles e ademais, presuntamente, tratando de apropiarse de simboloxía relixiosa hebrea. 

“É por tanto, un grave atentado cara a propiedade privada e pública amais de contra o patrimonio histórico e contra a fe hebraica", explican o voceiro centrista, José Palacín, e o exconcelleiro de Patrimonio, Eduardo Freiría.   

Deste modo, os liberais consideran que as autoridades competentes deben  iniciar unha investigación e o Concello debe actuar con premura na limpeza, con medios non agresivos, para devolver ao seu estado orixinal esta rúa no corazón da cidade histórica.

Do mesmo xeito, este tipo de actuacións evidencian, por unha banda, a falta de civismo dun sector minoritario da poboación, pero tamén a grave ausencia de seguridade dende que a Policía Local carece de servizo de vixilancia nocturna, cuestión que Converxencia 21 viene demandando. 

Por último, C21 solicita o cambio da placa da Casa dos Nenos da Doutrina.