C21 solicita que se limpen as beirarrúas e marxes das vías nos barrios de Funchal e Telleiro en Rebordáns

Có fin de supervisar as parroquias de Tui para evitar a ameza de incendio en toda a zona, nesta ocasión, o C21 solicita que se tramite a limpeza dos estremos das beirarrúas en todo o percorrido da estrada principal ao seu paso polas parroquias de Funchal e Telleiro, así ata chegar ao cruce ca N - 550, posto que no lado contra o asfalto as herbas medraron entre os intersticios e o estado resulta lamentable, do mesmo modo que as silvas veñen invadindo moitos tramos de beirarrúa pola parte que da as fincas.

O voceiro da formación, José Palacín, tamén pide que se debrocen nesta parroquia rúas e pistas adxacentes que: “Presentan un estado de abandono total e que adxuntou en fotografías ou que circulan por redes sociais como elemento de reclamación da cidadanía”.

Por último, tamén solicitan que se aborde a limpeza da contorna do parque infantil fronte ao colexio de Rebordáns e que se revise o tobogán porque debido a súa inestabilidade pode supor un perigo. Desta última cuestión - afirma Palacín - "avisaron fai 14 meses e nada se fixo"