Comunicado do PSdG-PSOE de Tui sobre a situación dos diversos Departamentos do Concello de Tui

O Grupo Municipal Socialista no Concello de Tui manifesta unha vez mais a súa incredulidade ante o feito de que o Alcalde de Tui presente públicamente a contratación dun catálogo de procedementos para o Departamento de Urbanismo do Concello de Tui, cando no último pleno o que se aprobou a instancias dos Grupos da Oposición, foi a realización dunha auditoría para coñecer o estado real do Departamento e, a súa vez, identificar ós funcionarios responsables de hipotéticos retrasos inxustificados.

A situación vóltase cando menos esperpéntica cando por correo electrónico se lle remite aos Grupos da Oposición o nome da empresa que presuntamente se pretende contratar e a metodoloxía do traballo a a levar a cabo, consistente únicamente en entrevistar aos funcionarios de Urbanismo para coñecer a súa opinión e posteriormente emitir un dictamen. Si con este procedemento se pretende solucionar os problemas da Oficina de Urbanismo de Tui, está claro que o único que se pretende é montar unha cortina de fume, con claros tintes electoralistas, que non abordar con rigor o problema de ese Departamento. Chama tamén poderosamente a atención que para levar isto a cabo se pretendan gastar mais de trece mil euros cando, hai que lembrar, este Goberno xa conta cun asesor xurídico contratado para dar solucións a uns problemas, que a luz está, ainda non se solucionaron, senón que se agravaron.

O Grupo Municipal Socialista solicitou mediante moción no último pleno, que ademais se trasladara a Comisión de Urbanismo os datos que obran na plataforma Xestiona referente ao Departamento de Urbanismo y que dun xeito obxectivo, daría unha imaxe máis fideligna da situación, aspecto este que sigue sen levar a cabo o Goberno Municipal co que queda claro que se pretende ocultar a situación real, dado que a parálise do Departamento nestes momentos é total. Coma exemplo cabe citar que fai máis dun mes que unha funcionaria está de baixa e a día de hoxe ainda non se cubriu esa praza, co cal os expedientes non son informados por ningúen, nin se tratmita ningunha nova solicitude, tal e como reflicten as actas das Xuntas de Goberno.

Non só a parálise se produce no Departamento de Urbanismo, a dia de hoxe e coma xa ocorrera o ano pasado, sigue sin contratarse o persoal con cargo a Deputación, cuio periodo de contratación vai de marzo a decembro, con carácter improrrogable, co cal a estas alturas xa se leva case un mes perdido. Mais grave ainda é a execución do Programa Integrado de Emprego, financiado pola Xunta, para levar a cabo con cen persoas desempregadas do Concello de Tui. O Proxecto implica a contratación do persoal técnico necesario para a atención dos participantes, permitindo a subcontratación únicamente do 50% da subvención (125.000 euros) . A quince de marzo o proxecto atópase a deriva en canto a que os alumnos non contan cos orientadores que os acomopañen nos términos previstos na convocatoria co agravante engadido que o que podes gastar en formación vaino a dar a imputación que fagas en persoal. En definitiva, a estas alturas sen persoal contratado y co remate de xustificación da subveción a 30 de outubro, difícilmente se vai poder xustificar a subvención coa conseguinte perda de fondos que terá que asumir o Concello.

Tampouco no Departamento de contratación as cousas van mellor, a día de hoxe ainda están sen licitar a metade dos proxectos do Plan Concellos da Deputacion do ano 2017, entre os que se atopan varios asfaltados na parroquia de Areas, a reforma dos vestiarios do Tide, reformas no edificio do conservatorio, o semáforo das Olivas, incluso algunha obra xa adxudicada coma a ampliación do cemiterio municipal se atopa incomprensiblemente parada. Nin que decir do primeiro grupo de proxectos aprobados con cargo o remanente de tesourería polo Goberno anterior, a consrucción do muro dos xardíns Troncoso, o Proxecto de pasarela sobre o Louro e a rotonda do Alfonso I de Guillarei, os cales se atopan totalmente paralizados dende a moción de censura.