Continúa o operativo de busca dun desaparecido na costa de A Guarda

Na xornada do luns día 29 de agosto de 2016 se incorporaron novos medios de rescate ás tarefas de busca dun veciño de Vigo de 62 anos desaparecido a última hora da tarde deste domingo en Punta Bazar, unha zona de rochas da costa norte de A Guarda, moi preto do límite con Portecelo, no termo municipal do Rosal.

Desde xeito dende primeira hora da mañá retomáronse as tarefas de busca por mar; a cargo das embarcacións do GEAS(Grupo Especial de Actividades Subacuáticas) da Guardia Civil, a patrulleira Río Guadalupe da Guardia Civil, unha embarcación de Salvamento Marítimo; por aire, cos helicopteros Pesca 1 e un helicóptero EC-L JA de Salvamento Marítimo e por terra con efectivos da Guardia Civil, Protección Civil de A Guarda, GES de A Guarda, Unidade Canina de Protección Civil de Vigo e 061, que prestan atención ós familiares do desaparecido.

Sobre as 14:00h facían unha inmersión, os buzos do GEAS(Grupo Especial de Actividades Subacuáticas), nas proximidades de Punta Bazar, onde se pensa que poido caír á auga a persoa desaparecida, e onde foron tamén atopados os dous pescadores de Tui falecidos nun suceso similar en Maio de 2014. Pasadas as 15:30h da tarde os buzos e a patrulleira Río Guadalupe desprazábanse ata o peirao guardés para facer unha breve pausa nas tarefas de busca.

Tamén esta mañá atopábanse entre as rochas unha zapatilla e unha toalla de praia, que todo apunta a que serían efectos persoais da persoa desaparecida.