CONVERXENCIA 21 MANIFESTA A SÚA VONTADE NEGOCIADORA FRONTE OS ORZAMENTOS DE TUI

Queremos desde xa manifestar a nosa vontade negociadora, non son os nosos orzamentos, e non aspiramos a que o sexan para votalos afirmativamente, pero si que trataremos de pactar algunha modificación consistente cos nosos principios liberais, faremos públicas as nosas peticións ao goberno unha vez analisada e avaliada toda a documentación.

Moción de urxencia sobre aforro enerxético 26/11/2015

Dado que:

-España ten o consumo máis alto en alumeado público de Europa, con tres veces maior consumo que o de Alemaña e 115 kilovatios / hora por habitante.
-En Tui temos algunhas zonas sobreiluminadas.
-Este sobrecusto supón un lastre para as posibilidades de recuperación económica de Tui, xa que gasto innecesario, supón incremento do acoso fiscal.
-Sen necesidade de facer unha auditoria enerxética podemos afirmar que por exemplo este mesmo edificio, a casa do concello, é moi ineficiente enerxeticamente, tamén a Área Panorámica.
-Que, desde un punto de vista liberal, para que o concello non supoña un freo a actividade económica precisamos que manteña moi controlados os gastos correntes.

PROPOSTA DE RESOLUCIÓN

1)Que se poña en marcha un plan de iluminación para o concello con vistas a diminuir o custo enerxético mantendo uns niveis aceptables de iluminación.
2)Que pare este fin se instalen mecanismos automáticos de acendido e lampadas de tecnoloxía LED.
3)Tendo en conta que se trata claramente dun investimento autosustentable, que se destine un investimento importante procedente do remanente de tesouraría para a mellora da eficiencia enerxética dos edificios municipais mediante a melloras das envolventes térmicas e instalación de caldeiras de biomasa e paneis solares térmicos onde sexa viable e aconsellable.