Convocatoria de Pleno Ordinario este xoves en Tui

"RESOLUCIÓN DE ALCALDÍA.- CONVOCATORIA PLENO ORDINARIO
De acordo co disposto no artigo 46.2 b) da Lei 7/1985, de 2 de abril, Reguladora das bases de réxime local e o art. 80 do Real Decreto Lexislativo 2568/1986, de 23 de novembro, polo que se aproba o Regulamento de Funcionamento, Organización é Réxime xurídico das Entidades Locais, esta alcaldía RESOLVE:

PRIMEIRO.- Convocar á Sesión Ordinaria do Pleno Corporativo a celebrar o vindeiro xoves día 30 de xaneiro ás 20:00 horas, e dous días despois á mesma hora en segunda convocatoria en caso de non existir o quórum esixido na primeira, no Salón de Sesións da Casa do Concello, a fin de resolver os puntos incluídos na seguinte:

ORDE DO DÍA
A) Parte resolutiva:
1º.- Aprobación, se procede, de borrador da acta da sesión anterior ordinaria nº 15/2019, do 28 de novembro .
2º.- Expediente 2405/2019. Ditame da Comisión Informativa de Urbanismo, Obras, Contratación e Servizos municipais realizada o día 23/01/2020 de proposta da Alcaldía, de data 18/12/2019, sobre aprobación inicial do Plan Municipal de Prevención e Defensa contra os Incendios Forestais do Concello de Tui.
3º.- Ditame da Comisión Informativa de Urbanismo, Obras, Contratación e Servizos municipais realizada o día 23/01/2020 de proposta sobre creación dun "SKATEPARK" no centro de Tui.
4º.- Ditame da Comisión Informativa de Urbanismo, Obras, Contratación e Servizos municipais realizada o día 23/01/2020 sobre instar a Renfe o mantemento do servizo de venda presencial de billetes na estación de ferrocarril de Guillarei e outros.
5º.- Mocións de Urxencia.
B).- Actividade de control:
6º.- Dación de conta das subvencións e disposicións de interese dos meses de decembro de 2019 e xaneiro do 2020.
7º.- Dación de conta de resolucións de Alcaldía: Do nº 1375 de data 22/11/2019 ata o nº 1558 de data 31/12/2019.
Do nº 1 de data 02/01/2020 ata o nº 62 de data 24/01/2020.
C).- Rogos e preguntas:
8º.- Rogos e preguntas.

SEGUNDO.-Notificar a presente Resolución aos concelleiros advertíndolles que, conforme ao disposto polo artigo 12.1 do citado RD 2568/1986, do 28 de novembro, deberán comunicar coa antelación necesaria calquera causa xustificada que implique a imposibilidade de asistir á citada sesión.

 

TERCEIRO.- Que pola Secretaría municipal se poña a disposición dos Concelleiros a documentación dos asuntos incluídos na orde do día, acompañando a convocatoria copia das actas das sesións anteriores que se sometan a votación, no seu caso."