Debut do equipo masculino de A Guarda Hockey Liña na Liga Galega.

O primeiro encontro enfrentou ó equipo guardés contra o equipo local Lóstregos Máster. O partido púxose de cara para os da Guarda na primeira parte en boa medida grazas a boa actuación do porteiro Álex Baz e a seriedade defensiva. O resultado ó fin do primeiro período foi de 3-1.

Na segunda parte os lucenses foron a polo partido e obrigaron ós guardeses a xogar moi pechados atrás e buscando chegar ó contragolpe. A pesares dos esforzos defensivos de A Guarda HL o equipo lucense conseguiu darlle a volta ó marcador poñéndose por diante por un resultado de 3-4.
Non foi ata o final do encontro cando a falla de escasos segundos para o fin do partido cando os guardeses igualaron de novo o encontro con unha rápida contra de Óscar Portela culminada por Miguel Fernández.

Xa na tarde, e despois do esforzo físico do primeiro encontro, os de A Guarda Hockey Liña enfrontáronse ós Morcegos de Ourense. Foron os ourensáns os que racharon a igualada no comezo do encontro, resultado co que se chegou a fin da primeira parte a pesares das xogadas de ataque de ámbolos equipos.

Na segunda metade a tónica xeral foi a mesma, continúas embestidas dos dous equipos que culminou co empate acadado polos da Guarda na metade do tempo regulamentario, momento no que os guardeses se viñeron arriba e conseguindo estes o definitivo gol da victoria.

Catro puntos de seis posibles e unha traballadaterceira praza na clasificación provisional da Liga Galega de Hockey Liña para o equipo da Guarda.