Desaparecido un participante na XII edición do Triatló da Amizade no Río Miño

A Axencia Galega de Emerxencias (AXEGA), a través do CIAE 112 Galicia, activaba sobre as 5:30h da tarde o protocolo de colaboración transfronteriza no caso de emerxencias, ARIEM112, para tratar de localizar a este participante da proba de Triatlon.

Ás 17:30 horas desta tarde, efectivos de Protección Civil de Tomiño daban conta do suceso ao 112 Galicia. A partir dese momento, púxose en marcha un dispositivo de busca. Participaron ademais dos efectivos de Protección Civil da localidade, a Garda Civil, os Bombeiros de Baixo Miño, o GES da Guarda, Salvamento Marítimo e o Servizo de GardaCostas de Galicia. Tamén se alertou ao Servizo de Urxencias Sanitarias de Galicia-061.

Pola parte portuguesa, atópanse na procura bombeiros voluntarios de Vilanova de Cerveira, mergulladores, unha embarcación da Comandancia Naval do Miño, así coma un helicóptero.

Despois de terse despregado un amplo operativo de busca e rescate por terra, mar e aire, arestora non se ten constancia do paradoiro do desaparecido.