ESPECIAL - Máis de medio cento de persoas participaron nunha andaina entre o Espazo Fortaleza e As Eiras

O pasado sábado día 27 de agosto de 2016 tivo lugar a Andaina entre o Espazo Fortaleza e a Praia das Eiras, enmarcada no Ciclo Munumenta e guiada por Natalia Jorge.

Con saída ás 11:00h da mañá, un grupo de preto de medio cento de persoas de todas as idades, iniciaron esta andaina cunha distancia duns 5.5km de dificultade baixa. O artista tudense Victor Coyote ofreceu varias actuacións musicais.

O ciclo Monumenta da Consellería de Cultura e Educación celebra unha nova edición baixo o título "Andar con arte", que fai referencia a un conxunto de actividades que nos achegan ao patrimonio cultural -sexa arquitectónico, artístico ou mesmo inmaterial- desde a propia acción de camiñar para coñecer". 

Explorar desde o camiñar

Igrexas, muíños, castros e vías romanas, que se relacionan co territorio e coa súa singularidade cultural e paisaxística, son algunhas das propostas do ciclo para esa descuberta do patrimonio cultural galego.

A andaina levada a cabo en Tomiño transcurríu pola senda do río Miño desde o Espazo Fortaleza ata a praia de Eiras. A través dos restos patrimoniais na fronteira natural e política con Portugal, como a fortaleza de San Lourenzo, Monumenta afondou nas relacións entre ambos os dous territorios, na pegada do contrabando e mais na pesca tradicional do Miño.