Preto de 500 deportistas tomaron este domingo o Monte Santa Trega na VI edición do Trail do Trega

Nesta VI edición, que tivo lugar na mañá do domingo día 24 de novembro contouse con varias opcións competitivas coma a Experiencie 12k, Advance 18k e unha andaina popular de 12km.

A primeira en saír foi a Andaina, cunha distancia total de 10kms e cun desnivel acumulado de 650m e que saíu ás 9:30h da mañá, seguido da proba Advance 18k cun desnivel acumulado de 1100m e que saíu ás 10:00h e a Experiencie 12k cun desnivel acumulado de 650m e que saíu ás 10:30h.

Todas as modalidades tiveron punto de saída e chegada dende a Alameda da Guarda, contando con case 500participantes entre todas as modallidades, destacando unha forte representación portuguesa e de persoas de máis de 12 provincias de toda España, que tiveron que desafiar ao tempo, con choiva e vento e, sobretodo, unha gran dureza polos desniveis do percorrido, pero coas impoñentes vistas sobre o Estuario do Miño e a Desembocadura do Río Miño.

Dende a organización do evento agradécese a implicación das Comunidades de Montes da Guarda e Camposancos para a limpeza dos diferentes camiños que se empregaron neste evento deportivo, así como a colaboración do Concello da Guarda, Protección Civil do Rosal, GES da Guarda e Policía Local.

A Concelleira de Deportes, Montserrat Magallanes, destacou a aposta decidida do Concello da Guarda co deporte, o que repercute en hábitos de vida saudable en contacto coa natureza.

CLASIFICACIÓN ADVANCE 18K

CLASIFICACIÓN EXPERIENCE 12K

GALERÍA DE FOTOS

Haz clic en la imagen de abajo para acceder a la Galería de fotografías