Este próximo miércoles día 9 de marzo, la Banda de Gaitas San Xoán de Paramos (Tui) viajará a Nueva York para participar en el desfile de San Patricio

O 17 de marzo, día de San Patricio (Saint Patrick's Day ou Lá Fhéile Pádraig) os
irlandeses conmemoran o seu patrón e a creación da República de Irlanda. Debido a gran
emigración irlandesa celébrase a nivel mundial, sendo New York un dos máis concorridos e
coñecidos.
No ano 2020 a iniciativa do Celtiberian Heritage–New York e do Centro Español da
cidade a Banda de Gaitas San Xoán de Paramos estaba convidada a participar no desfile de
San Patricio da cidade americana en representación do Estado Español. A crise da COVID19 e
a suspensión do desfile fixo que se cancelara esa participación o dia anterior ao inicio da viaxe.
Neste ano, coa recuperación do desfile, a banda volta ser convidada a participar
no Día de San Patricio en New York. Desprazarase aos Estados Unidos dende o 9 ao 19
de marzo. Nesta viaxe, alén da participación no desfile, ten programadas diferentes
actuacións na cidade de New York e no veciño estado de New Jersey.
Para unha banda como a nosa, dun pequeno centro cultural e dunha pequena parroquia
de Tui, supón unha grande satisfacción e responsabilidade esta invitación. Satisfacción polo
recoñecemento que supón a catorce anos de traballo e compromiso coa música tradicional e
responsabilidade por ser escollidos para levar a música galega a un desfile destas
características.
Esta viaxe, na que participan 47 dos integrantes da Banda, culmina tres anos de traballo,
e dous de espera, do Centro Cultural Laxes de Paramos, da Banda de Gaitas San Xoán e dos
propios músicos. Alén dos ensaios e da preparación da viaxe, os integrantes da Banda e do
Centro Cultural tiveron que facer fronte, en solitario, aos elevados gastos que conleva a
preparación e o desprazamento aos Estados Unidos. Tres de traballo, musical e económico,
recadando fondos, e dous de espera pola crise sanitaria, teñen agora o seu premio cunha
experiencia única.