MÁIS DUN CENTENAR DE PERSOAS PARTICIPARON NA ANDAINA POLOS MUÍÑOS DO RÍO FURNIA EN MALVAS-TUI

Unhas 120 persoas participaron onte na nosa Andaina polos muíños do río Furnia en Malvas. Nunha tarde perfecta de bo tempo, puidemos facer un paseo entre amigos, mollarnos só o necesario nos charcos, probar as
"sopas de burro cansado" e as castañas, escoitar ó noso grupo e bailar algunhas das súas pezas.
E temos que comezar a das as grazas.
A Alberto Romero, polas explicacións sobre o funcionamento dos antigos muíños.
A Comunidade de Montes de Malvas, polo traballo que fixeron limpando este tramo do río para que todos gocemos dunha paisaxe fermosísima.
Tamén a Comisión de Festas de Malvas, que puxeron ao noso dispor tanto o local como a axuda dos seus integrantes.
Os camiñantes que viñeron de fóra de Malvas a coñecer a nosa Parroquia ós que lles estamos infinitamente agradecidos.
E por último, ós nosos veciños. Que coma sempre, acompañáronnos, axudáronnos e aplaudíronnos.
A todos eles, grazas por participar e por desculparnos os erros que puidemos ter.