Agenda

A nosa música tradicional segue a soar durante as fins de semana polas rúas de Tui dan man dos distintos grupos folclóricos e bandas de gaitas do municipio.

Os pasarrúas continuarán nas fins de semana no mes de setembro os sábados e domingo ás 20.30 h co grupo Lembranzas da Terra de Guillarei (5/09/); grupo Xuntanza de Randufe (06/09); o grupo folclórico San Fins de Rebordáns (13/09);grupo folclórico Inquedanzas da Asociación Cultural Aloia de Pazos de Reis (19/09) e o grupo Xuntanza de Randufe (20/09).

Tomiño é a nova parada da exposición itinerante ‘Río Miño. Memorias transfronteirizas’, unha mostra que transportará ao público as dúas marxes do río con quioscos interactivos, filmes e paneis interpretativos e que poderá visitarse dende o 29 de agosto ata o 13 de setembro no Mercado de Tomiño.

Esta exposición procura achegar ao público ás augas frías do Miño, un río que divide dous países e une unha cultura con técnicas de pesca e memorias en común, con lugares marabillosos e chea de tesouros vivos, de persoas cun profundo coñecemento e práctica local que agora se descobren. A través de todo o percorrido, as persoas visitantes mergullaranse nas dúas marxes do río e no mundo das persoas que habitan as súas ribeiras: as súas técnicas, música, gastronomía, lingua e xogos.

Tomiño e Cerveira, unidas como Eurocidade, son un claro exemplo de que o río Miño lonxe de separar territorios os une. O río é unha fronteira que une a ambos concellos nun proxecto de cooperación transfronteiriza e xestión compartida, de colaboración institucional e de valorización do patrimonio natural e cultural. Un símbolo das relacións entre Galicia e Portugal que agora recolle esta exposición.

A mostra está promovida pola AECT Rio Minho e a Comunidade Intermunicipal do Alto Minho (CIM Alto Minho) en colaboración coa Deputación de Pontevedra, o Agrupamento Europeu de Cooperação Territorial do Rio Minho e o Centro de Estudos Euro-Regionais da Galiza/Norte de Portugal.

A exposición amosa unha compilación dos contidos desenvolvidos ao abeiro de dúas accións do proxecto SmartMinho, cofinanciado polo programa Interreg VA, centradas na recuperación e promoción do patrimonio inmaterial transfronteirizo: un estudo das pesqueiras do Río Miño como exemplo do patrimonio cultural herdado polas comunidades ribeiregas do río e o proxecto Tesouros Vivos, que recolle o testemuño de persoas que posúen un profundo coñecemento ou habilidade que remite a unha práctica cultural inmaterial.

? Debido ás restricións pola Covid-19 a xornada de escalada prevista para este sábado está APRAZADA ata novo aviso.

A concellería de Deportes do Concello da Guarda organiza para o día 19 de setembro unha xornada de escalada no monte Santa Trega.

A actividade levarase a cabo en dous grupos, dependendo da idade das persoas participantes. As persoas de 10 a 15 anos acudirán de 11 a 14 horas e para as maiores de 16 anos a actividade será de 17 a 20 horas. Unha vez se confirme a praza por parte do concello cada participante terá que facer efectivo o prezo da praza que neste caso será de 10€.

As persoas interesadas en participar poden inscribirse no seguinte formulario online https://forms.gle/eUsjdz15DV41iJaf6

Máis información na OMIX, no mail informacion@aguarda.es ou no teléfono 676 347 890

A Asociación San Xerome Emiliani coordina o proxecto “XE-mente Innovación: LOS BROTES DE LA DIVERSIDAD" e organiza o CURSO DE FORMACIÓN "HERBAS MEDICINAIS" do 11 de setembro ao 25 de setembro de 2020.

Curso gratuíto para persoas desempregadas con 20h(Teoría e práctica).
Prazas limitadas a 10 persoas

LUGAR: CENTRO CULTURAL DO CONCELLO DA GUARDA
RÚA ROSALÍA DE CASTRO, 14

INFORMACIÓN E INSCRICIÓNS:
- xemente@sanxerome.com

- Tlf: 656 565 630

Baixo o nome de ‘Vive o Rio Minho’, a Deputación de Pontevedra vai desenvolver sete actividades ecoturísticas no Río Miño transfronteirizo –nos concellos galegos e portugueses que lindan coa vía fluvial- entre o 12 de setembro e o 4 de outubro. O obxectivo, segundo explicou hoxe o deputado de Cooperación Transfronteiriza e director do AECT Rio Minho Uxío Benítez, é ofrecer unha alternativa turística seguindo “o que a sociedade hoxe demanda a raíz da crise da COVID 19, dando a oportunidade de coñecer o territorio dun xeito tranquilo, seguro, e buscando a natureza e todo o que ofrece o río Miño”.

As actividades están desenvolvidas dentro do proxecto Visit Rio Minho, co-financiado con fondos FEDER, a través do programa ‘Interreg V-A POCTEP 2014-2020’). Xirarán ao redor do río Miño, e realizaranse de forma cronolóxica avanzando polo territorio seguindo o seu curso, desde a parte alta ata a súa desembocadura. Son gratuítas para o público e están dirixidas a un público amplo e diverso, abranguendo non só os recursos da zona, senón empresas locais que traballan e realizan actividades nela: haberá sendeirismo, rutas en bici, rutas urbanas e percorridos históricos, visitas a adegas, museos, petróglifos, balsismo, caiac, gastronomía, observación ornitolóxica e astronómica, entre outras actividades.

“Queremos convidar á veciñanza da provincia a que participe. O obxectivo é conseguir que sexa máis coñecida unha parte da provincia que polo feito de ter sido fronteira durante centos e centos de anos é unha parte descoñecida. Queremos dar a coñecer o territorio, amosalo dun xeito transfronteirizo e único. Este é un produto diferente e moi atractivo”, subliñou Benítez.

Segundo apuntou o deputado nacionalista, a Deputación tomou a decisión de facer unha aposta polo desenvolvemento socioeconómico do territorio do río Miño, e fíxoo a través de dúas vías. Creando unha parte a nivel institucional que foi a AECT Rio Minho cos socios da Comunidade Intermunicipal Alto Minho de Portugal, que comezou a traballar hai uns anos e, por outra parte, desenvolvendo unha estratexia en colaboración coas universidades, unha estratexia do Miño 2030 na que se marcaban uns obxectivos e accións para desenvolver o territorio.

“Tanto na estratexia como nos estatutos do AECT Rio Minho marcouse como un dos obxectivos máis importantes desenvolver turisticamente o territorio do Miño como un único territorio e envolvelo nunha marca turística única que se presentase diante do mundo como a imaxe dun territorio transfronteirizo, que ofrece nun só destino dous países”, abondou Benítez.

A presidenta da Deputación, Carmela Silva, destacou pola súa banda a “espectacular” e “atractiva” proposta que engloba Vive o Río Minho, “que conxuga todo tipo de actividades co coñecemento e desfrute do territorio Río Minho”. Subliñou tamén que desde a súa creación hai cinco anos, a AECT Río Minho tense convertido nunha “referencia”, non só na provincia, na promoción e defensa dun territorio común “único” polo seu carácter transfronteirizo.”Se hai un elemento significativo de que a política serve para transformar o espazo que gobernamos é a creación desta AECT”, manifestou.

Neste senso, sinalou que a súa posta en marcha “foi unha aposta intelixente que ten dado grandes resultados e está servindo de exemplo a outros concellos que teñen moito en común”. Carmela Silva destacou tamén que o traballo que está a desenvolver a AECT froito da suma de vontades de concellos de ambos lados do río  é “revolucionario”. “Revolución significa volver a evolucionar e estes alcaldes e alcaldesas están voltando a evolucionar conxuntamente –indicou-: ”Neste momento da Covid ou sumamos vontades, traballamos e temos plans elaborados a través de diferentes espazos e territorios cun proxecto común ou será moi difícil que avancemos”.

Actividades

Segundo explicou o xerente da empresa Xeitura -que desenvolverá a iniciativa-, Raúl Fernández, as propostas para coñecer o Miño divídense en diferentes xornadas de fins de semana consecutivos entre o 12 de setembro e o 4 de outubro. Para a primeira fin de semana haberá dúas actividades: Unha ruta de sendeirismo nas marxes do Miño e do río Deva ata o alto da Moura e unha visita a Melgaço e, por outra parte, un descenso no río Miño xunto a unha visita guiada a unha adega en As Neves e a visita aos petróglifos da Coutada.

Na fin de semana do 19 e 20 de setembro terán lugar a terceira e a cuarta ruta. A terceira consiste nun percorrido circular pola contorna de Salvaterra, así como a visita á viña e ao Museo do Viño. Ao día seguinte a proposta é unha ruta polo municipio de Monçao coñecida como ‘A Cova da Moura’, unha vista ao palacio da Brejoeira e unha visita a Monçao.

A seguinte xornada, do 26 de setembro, inclúe un percorrido en bici pola ecovía do Miño entre Valença e Vila Nova de Cerveira, e unha visita guiada por Valença e Tui. O domingo 27 de setembro realizarase unha ruta de sendeirismo entre a desembocadura do Tamuxe e o porto de Goián, a visita á fortaleza, e un tramo en caiac polo río.

Finalmente, para o 3 e 4 de outubro plantéxase unha fin de semana completa na que se combinarán as rutas de sendeirismo, a observación ornitolóxica, visitas guiadas, e unha visita dramatizada no castro de Santa Tegra.

Todas as actividades son gratuítas e están destinadas ao público xeral. As inscricións para os eventos da primeira fin de semana poden realizarse dende mañá venres ata o vindeiro xoves ás 23 horas na páxina web da Deputación (depo.gal) e as prazas cubriranse por orden de chegada. As incricións para as seguintes actividades realizaranse entre o luns anterior ás 9 horas e ata o xoves ás 23 horas no caso de non cubrir as prazas con anterioridade (entre 45 e 50 por evento).

A programación das Xornadas Europeas da Cultura Xudía da Rede de Xuderías de España, inclúe actividades e eventos para todos os públicos, que se desenvolverán en Tui e Valença, baixo a denominación de: “Rutas Serfardís”.

Esta mañá a Sala de Concelleiros da Casa do Concello de Tui acolleu a presentación das “Rutas Sefardís”. Un programa de actividades para conmemorar as Xornadas Europeas da Cultura Xudía, que correu a cargo do alcalde de Tui, Enrique Cabaleiro, e o concelleiro de Turismo e Patrimonio,  Laureano Alonso xunto co vereador de Cultura da Cámara de Valença, José Monte.

As actividades se realizarán dende o 5 ate o 18 de setembro na Eurocidade Tui – Valença. Por primeira vez haberá eventos no que participen “dous Concellos de dous países distintos”. Eran as palabras do concelleiro de Turismo e Patrimonio Laureano Alonso, quen apuntou que a finalidade é por en valor o patrimonio xudeu destas dúas vilas. Na presentación, o edil amosou o seu interese porque nun futuro, Valença poida formar parte da Rede de Xuderías de Portugal.

O concelleiro Laureano Alonso fixo mención especial á guía turística das rutas polas xuderías de Tui. Un traballo realizado pola xornalista Alejandra Abulafia, e editado pola Rede de Xudarías de España, que xa está dispoñible para a súa descarga.

As Rutas Sefardís por Tui e Valença arrancarán este sábado ás 12:30 h dende o Museo Diocesano de Tui e se levarán a cabo tanto en Tui coma en Valença, até o domingo 13 de setembro.

A cociña xudía tamén estará representada nestas xornadas. Será coas rutas Gastronómicas Sefardís. Poderase degustar o bacallau, alimento moi apreciado na cociña sefardí e que ten gran presenza actualmente tanto na cociña portuguesa coma galega. Participarán un total de 21 restaurantes de Tui e 9 de Valença.

Ademais destas rutas e visitas, están programados dous concertos de música sefardí a cargo de Carmen Penín e Maurizio Polsinelli. Un deles será en Tui o sábado 5 de setembro no conxunto histórico da cidade e o outro na Fortaleza de Valença.

Para calquera destes eventos o aforo está limitado até completar as prazas, co fin de cumprir coas medidas e protocolos COVID-19.

O programa inclúe unha exposición de paneis no Museo diocesano, que se poderá visitar dende o 5 até 20 de setembro.

O taller de repostería sefardí do 18 de setembro, dirixido exclusivamente as profesionais da hostalería das dúas cidades. Será impartido por Abigail Cohen de Hervás. O curso terá lugar na aula da UNED de Tui, no Convento de San Domingos. Neste caso, os profesionais interesados deben inscribirse na Oficina de Turismo de Tui.

Na presentación destas xornadas participou tamén o vereador de cultura de Valença José Monte. Salientou que este é un primeiro paso para dar a coñecer un patrimonio que posúe Valença, ademais de destacar a unha oportunidade que teñen para promocionarse xunto a Tui.

Por último, lembrou o alcalde de Tui, Enrique Cabaleiro na súa intervención, a importancia da entrada de Tui na Rede de Xuderías de España, así coma a posibilidade que brinda de pór en valor un legado cultural e patrimonial de primeira orde. Resaltou o rexedor o carácter transfronteirizo destes eventos, que supoñen un valor engadido á importancia deste evento. Apostou porque nun futuro estas xornadas sexan os da Eurocidade Tui - Valença, como un único organizador, e destino común das persoas interesadas en coñecer o seu patrimonio xudeu.

O programa completo é o seguinte:

RUTAS SEFARDÍS POR TUI E VALENÇA

Sábado 5

• Ás 12.30 H  Colección de Sambenitos da Catedral no Museo Diocesano de Tui
• Ás 18 h hora española: Patrimonio judaico en Valença no Largo Sta. María dos Anjos en Valença

Domingo 6

• Ás 12.30 h “O Tui de Francisco Sánchez” no Cárcere Vello de Tui.
• Do luns 7 ao venres 11
• Ás 12 h e ás 18 h Introdución ao patrimonio xudeu en Tui. No Museo Diocesano de Tui

Sábado 12

• Ás 12.30 h no Museo Catedralicio: Os prateiros xudeus e criptoxudeus na Catedral de Tui
• Ás 18 hora española no Largo Sta. María dos Anjos: Patrimonio judaico en Valença

Domingo 13

• Ás 12.30 h no Museo Diocesano: Colección de Sambenitos da Catedral

CONCERTO DE MÚSICA SEFARDÍ CON 2NAFRONTEIRA: CARMEN PENIM (VOZ) E MAURIZIO POLSINELLI (PIANO E HARMONIO)

• Sábado 5 ás 20 h na praza de Frómista en Tui. Prazas limitadas até completar  aforo
• Sábado 12 ás 19 hora portuguesa no Largo de Santa Mª dos Anxos. Prazas limitadas até completar  aforo

RUTAS GASTRONÓMICAS SEFARDÍS: BACALLAU NOS RESTAURANTES DE TUI E VALENÇA. DO 5 AO 18 DE SETEMBRO

Valença

• Churrasqueira Valenciana
• Baluarte
• Bom Jesus
• Fatum - Casa de Fados
• Portas da Coroada - Fortaleza
• Fortaleza I
• Fortaleza II
• Muralha
• Pousada S. Teotónio
• Limoeiro

Tui

• Alboio: en empanada

• Ideas peregrinas: tosta con bacallau
• Parador de Tui: bacallau con broa
• El Niño Trasto: á brasa con barbur e melocotón caramelizado
• Jaqueyvi: á brasa
• Tapas e viños: ensalada con bacallau
• La de José Luís: encebolado
• El Molino: á portuguesa e tamén empanada
• Puro Sabor: ó forno e empanada
• Novo Cabalo Furado: á prancha, á galega, ó forno, boliños e tamén empanada
• Vello Cabalo Furado: á portuguesa, empanada e boliños
• Santiamén: asado con cebola
• A Macoca: ó forno
• Pote: ensalada de bacallau e á galega
• Happy Restaurant: lascas de bacallau, empanada
• Monte Aloia: á brasa e ó forno
• Cruceiro do Monte: á portuguesa
• A vaca tola: tosta de bacallau
• Época: á prancha estilo Época e ensalada templada de bacallau afumado
• Arrayal 39: á brasa e á galega
• Asador Paulo: á brasa

EXPOSICIÓN: AS RUTAS SEFARDÍS - FRANCISCO SÁNCHEZ

• Do 5 ao 20 de setembro no Museo Diocesano:Exposición de paneis no Museo Diocesano de Tui

TALLER DE INMERSIÓN Á REPOSTERÍA SEFARDÍ

• Venres, 18 de setembro, ás 19 h
• A cargo de Abigail Cohen, da pastelaría La Candela de Hervás.
• Lugar: Convento de San Domingos (Aula Uned)
• Inscrición unicamente para profesionais na Oficina de Turismo (677.418405)

VINDEIRO EVENTO

• Luns 26 de outubro
• Jornadas Gastronómicas “Sabores de Sefarad” con Javier Zafra (autor do libro “Sabores de Sefarad: los secretos de la gastronomía judeoespañola”).
• Este libro á venda en “Alimentación Alonso” e Librerías Iris e Nobel.

O xoves 10 de setembro comezarán en Galicia as clases, de xeito gradual por mor da pandemia da covid-19 nos ciclos de infantil, primaria e educación especial para 194.221 nenas e nenos, o que supón un 1,3 % menos ca no curso 2019/20, segundo os datos provisionais recompilados polos servizos estatísticos da Consellería de Educación, Universidade e Formación Profesional. Neste sentido cómpre lembrar que as cifras de matriculación poden ir mudando ao longo do curso escolar.

En calquera caso, e malia ao descenso de alumnado, a Consellería de Educación ten previsto reforzar o sistema educativo galego con aproximadamente 1.000 docentes máis. No caso concreto de Educación Infantil e Primaria este curso póñense en marcha 158 unidades máis (grupos de clase), o que leva consigo a incorporación de 240 novos profesores para estas etapas educativas.

No caso da educación secundaria o reforzo concretarase nos próximos días, unha vez se dispoña dos datos de matrícula e dos desdobres que sexa preciso realizar. A esta medida súmanse outras da consellería como a iniciativa ARCO (instrumento de apoio aos centros para a mellora do rendemento académico que complementa os Contratos-Programa), que permitirá aos centros contar con 543 docentes de apoio (221 para Primaria e 322 para ESO) contratados no curso 2020-21.

Con esta medida, o Goberno galego reforza os medios destinados ao sistema educativo co obxectivo de garantir a calidade do ensino, así como para cumprir coas medidas establecidas no Protocolo de adaptación ao contexto da covid-19 .

No que atinxe ás datas concretas do regreso gradual ás aulas, os primeiros en incorporarse o xoves 10 serán os alumnos de 4º curso de Educación Infantil (3 anos) e 5º de Infantil; 1º, 2º e 3º de Educación Primaria; e Educación Especial. Ao día seguinte, o 11 de setembro, iniciarán o curso escolar os alumnos de 6º de Educación Infantil e os de 4º, 5º e 6º de Educación Primaria. Deste xeito, o venres día 11 estarán xa incorporados ás aulas a totalidade do alumnado das etapas de Infantil e Primaria.

Co comezo de curso gradual búscase facilitarlles a organización aos centros educativos e que a adaptación do alumnado ás novas dinámicas derivadas da aplicación do Protocolo de adaptación ao contexto da covid-19, como son as entradas e saídas por diferentes accesos ou en quendas, os sentidos únicos nos desprazamentos polas instalacións, o mantemento das distancias ou a hixiene de mans frecuente, entre outras medidas. Cómpre lembrar tamén que o alumnado deberá comprobar diariamente na casa, antes de acudir á escola, se ten algún síntoma compatible coa covid-19 (febre, tose seca, dificultade respiratoria, cansazo...). Diante de aparición algún dos síntomas, debe quedar na casa e a familia solicitará consulta co seu pediatra ou médico. 

Educación Infantil

Segundo estimacións da Xunta de Galicia, 58.997 alumnos comezan este ano nas aulas de educación infantil, o que supón practicamente a mesma cifra ca no curso anterior (un 0,9% menos).

Por tipo de centros e provincias queda do seguinte modo:

Os datos de alumnado non nacionalizado español nesta etapa son os seguintes:

Educación Primaria

Por outra banda, as mesmas previsións que manexa a Consellería indican que 134.093 alumnos tamén comezan o mércores as clases de educación primaria en Galicia, o que supón un 1,5 % menos.

Os datos de alumnado non nacionalizado español nesta etapa son os seguintes:

Educación especial

No que atinxe á educación especial, o número estimado de matriculados para este curso é de 1.131, 20 alumnos máis ca no 2019/20

Por tipo de centros e por provincias queda do seguinte modo:

Centros escolares e docentes

Os centros –públicos, privados e concertados– que desde o 10 de setembro impartirán ensinanzas de educación infantil e primaria e educación especial quedan distribuídos do seguinte xeito:

(1) Inclúen os centros que imparten só educación primaria

(2) Inclúense os centros que imparten tamén o segundo ciclo de educación infantil.

Servizos complementarios

O mesmo día do comezo de curso escolar empezarán a funcionar os servizos de transporte e os de comedor xestionados pola Consellería, tras as modificacións oportunas que se realizan anualmente para o seu axuste ás necesidades actuais.

Así, este ano, a falta de que se pechen as últimas autorizacións, o número estimado de prazas de comedor escolar será de 77.060, das cales 15.416 serían xestionadas por ANPAS ou Concellos, existindo tamén axudas –ou convenios de colaboración- da Consellería neste concepto para ambas entidades. En total o departamento educativo da Xunta xestiona 417 comedores, deles 281 de forma directa e 136 de forma indirecta  (a través de empresas que serven menús con todos os estándares de calidade garantidos). Pola súa banda as ANPAS son responsables de 138 comedores e os Concellos de 52. Neste sentido, cómpre lembrar que a Consellería subvenciona os menús de arredor de 4.705 comensais nestes 52 centros escolares de 15 concellos de toda Galicia. A maiores tamén destina axudas a Anpas para a xestión dos comedores.

Así mesmo a Consellería facilita subvencionar o servizo de comedor escolar a 518 alumnos de centros de educación especial non públicos a través de convenios con 15 entidades, cun orzamento de 223.441,96 euros.

No que atinxe ao transporte, prestarase servizo –segundo as estimacións provisionais- a 86.957 alumnas e alumnos de 774 centros públicos. Ademais, darase cobertura de transporte a 311 alumnos de centros de educación especial que non son públicos a través de convenios con 13 entidades, cun orzamento de 1.016.115,92 euros. Deste xeito Galicia volve ser a primeira Comunidade do Estado no referido ao volume que representa este servizo educativo complementario.

O vindeiro xoves día 10 de setembro de 2020 xa se poderán solicitar as citas para a visita das unidades móbiles no concello para a renovación do Documento Nacional de Identidade (DNI) correspondente ao mes de outubro de 2020.

A apertura do prazo para a solicitude de novas citas no setembro ofertadas pola unidade móbil do Corpo Nacional de Policía de Vigo comezarán o xoves día 10 de setembro de xeito preferentemente telefónico no 986 61 0000 de 9:00h a 14:00h ou presencialmente na Casa dos Alonsos.

Ata entón, aquelas persoas que de xeito urxente necesiten realizar a renovación do seu DNI, poderán acudir ás oficinas de expedición de Tui (na rúa Párroco Rodríguez Vázquez, 3) ou Vigo (rúa Álvaro Cunqueiro, 6) previa solicitude de cita no teléfono 060 ou ben a través da páxina web www.citapreviadni.es.

A programación especial do Alivio continúa este venres 11 con moita música. Será a de AcevedosDelgados, un grupo tomiñés que se subirá ao escenario para ‘contar’ cancións que os marcaron de algunha forma e tocar temas propios cos que sorprender e facer desfrutar ao público.

A marabillosa voz de Davinia estará acompañada pola harmónica guitarra de Tito, con algunha sorpresa con forma de invitado: José García na percusión. Historias propias, impropias e alles coas que namorarán ao público.

O concerto celebrarase na Praza do Seixo a partir das 22.30 horas con todos os protocolos de prevención para garantir a seguridade de todas as persoas asistentes. Será de balde con reserva de entrada previa chamando ao 986 622 001 ou enviando un correo electrónico a cultura@tomino.gal.

A Biblioteca Pública Municipal da Guarda prepara diversas actividades no mes de outubro para celebrar o mes da Biblioteca, e o Día da Biblioteca(24 de outubro).

Cantacontos, con Migallas Teatro

Sábado 10 de outubro ás 12:00 horas no Salón de Actos do Centro Cultural

En “Cantacontos” os contos tradicionais ou de creación propia son arrequentados con cancións, música ou sons que contribúen a espertar emocións nos nenos e nenas. Todos os contos tratan cuestións próximas ao público infantil, e convídanos a participar no seu desenlace. As cancións complementan os seus contidos.

Público: Nenos e nenas de 4 a 11 anos e familias.

Obradoiro de Cómic e Banda Deseñada, con Santy Gutiérrez

Sábado 17 de outubro. Dúas sesións: ás 11:30 horas e ás 12:30 horas na Sala de Exposicións do Centro Cultural.

Obradoiro de banda deseñada: os rapaces aprenderán recursos da linguaxe do cómic facendo a súa propia páxina de BD. No cómic atoparán unha ferramenta afín á súa vida que lles axudará a comunicarse, contando as súas propias historias nas que verter as súas propias inquedanzas e intereses.

Público: Nenos e nenas: De 8 a 9 e Mocidade

Trémola Teatro. Que animaliño é?

Venres 23 de outubro ás 18:00 horas. Na Sala de Exposicións do Centro Cultural

Paula co seu xilófono e a través de diferentes elementos sensoriais fará que os máis pequenos da casa podan coñecer os distintos animais. 3 “que animaliño é?”,  é unha obra para bebés que lles fará gozar, coñecer e recoñecer as cousas que ven ao seu redor.

Público: Bebés de 0 a 3 anos e familias.

Todas as actividades precisan inscrición previa na Biblioteca Municipal ou chamando ao teléfono 649 327 525. Protocolo Covid-19. Bibliotecas seguras.

O Día da Biblioteca celébrase cada 24 de outubro desde o ano 1997. Este día naceu por iniciativa da Asociación Española de Amigos do Libro Infantil e Xuvenil co obxectivo de concienciar á sociedade da importancia da lectura e como homenaxe e recoñecemento ao labor dos bibliotecarios e bibliotecarias.

Ler conta moito é un programa de dinamización da lectura nas bibliotecas públicas promovido pola Dirección Xeral de Políticas Culturais, da Consellería de Cultura e Turismo, a través da Rede de Bibliotecas Públicas de Galicia, en colaboración coas entidades locais.

O Rosal acaba de inaugurar o novo acceso ao aparcamento Xulio Sesto tras as obras de remodelación, acondicionamento e urbanización acometidas nos últimos meses. Durante este tempo o Concello, a través da empresa adxudicataria, levou a cabo traballos de pavimentación da entrada para crear un acceso rodado e outro peonil, executou a canalización de augas pluviais e dotou das condicións eléctricas necesarias para dispoñer de iluminación na zona.

O obxectivo destas actuacións era corrixir as deficiencias técnicas do proxecto inicial e paliar a problemática derivada do acondicionamento do aparcamento para que poida empregarse de forma normalizada, xa que ata o de agora non cumpría os requisitos mínimos necesarios para o seu uso sen prexuízo para a veciñanza residente nas inmediacións do acceso ao aparcamento, situado no núcleo urbano da vila.

A apertura do aparcamento Xulio Sesto permite dotar á Praza do Calvario e as súas inmediacións dun maior espazo para o estacionamento de vehículos.

O proxecto, elaborado pola área de Urbanismo do Concello do Rosal, contou cun orzamento de máis de 34.000 euros financiados a cargo do Plan Concellos da Deputación de Pontevedra

El Mecalia Atlético Guardés volverá a estar representado en una cita internacional. La primera línea Rosane Serrano, jugadora vasca del conjunto de A Guarda, ha sido convocada con las Guerreras Júnior para participar en la concentración que se celebrará del 2 al 8 de marzo en Elche.

La convocatoria, publicada por la nueva seleccionadora Verónica Cuadrado, incluye a 21 jóvenes promesas del balonmano español que trabajarán durante toda la semana aprovechando el parón liguero. Serrano, habitual en las listas del combinado nacional en categoría júnior, volverá así a vestir la camiseta de España tras haber sido subcampeona de Europa el pasado verano.

El stage tendrá lugar en la ciudad alicantina y culminará el domingo 8 de marzo con un partido amistoso ante el Atticgo BM Elche, a las 11:30 horas en el pabellón Esperanza Lag.

Esta concentración coincide con la semana fijada por la European Handball Federation para la disputa de compromisos internacionales, en este caso el clasificatorio para el Campeonato de Europa 2026. En la edición júnior del pasado verano, las Guerreras alcanzaron la final y lograron la medalla de plata, con una destacada participación de Serrano.

Aunque natural del País Vasco, la jugadora defiende actualmente los colores del Guardés, consolidándose como una pieza importante dentro del proyecto deportivo del club miñoto y reforzando la proyección nacional e internacional de la entidad de A Guarda.

“Es una oportunidad para crecer y mejorar de cara al futuro”

Rosane Serrano se mostró “muy contenta e ilusionada de poder formar parte de esta convocatoria”. La jugadora reconoce que estas concentraciones suponen una alta exigencia física y mental, especialmente en un momento clave del calendario.

A su regreso, le esperan dos semanas consecutivas de doble jornada con el Guardés, combinando Liga y competición europea. “Siempre son semanas de mucho trabajo y de mucha intensidad”, explica la primera línea, que aun así valora enormemente la experiencia. “Es una oportunidad para crecer y mejorar a nivel individual y grupal de cara al futuro”, concluye.

Para el Atlético Guardés, esta convocatoria vuelve a situar al club de A Guarda en el foco del balonmano nacional, demostrando el nivel competitivo de su plantilla y su capacidad para aportar talento a la Selección Española.