NOVO INTENTO DE ROUBO NUNHA FARMACIA DE A GUARDA

A pasada fin de semana a Farmacia Carlos López Sobrino na Plaza de San Benito de A Guarda sufríu un intento de roubo.

Segundo nos comentou o dono do local, un veciño lle deu aviso de que os cristais inferiores das portas de entrada da farmacia estaban esnaquizados na xornada do Domingo pasado. Unha vez no establecemento puido confirmar que intentaron acceder ó local rompendo os cristais das portas, pero non foron capaces e desistiron, deixando ambolos dous cistais completamente esnaquizados. O sistema de alarma do establecemento non se activou, posto que os supostos ladróns non conseguiron acceder ó local.

No mes de Maio do ano pasado, esta mesma farmacia fora escenario dun roubo, no cal os ladróns accederan daquela a través dos mesmos cristais das portas, pero despois dese roubo cambiáronse os cristais por uns máis resistentes polo que, desta volta, os ladróns non conseguiron acceder ó interior e perpetrar o roubo.

O propietario interpuso xa denuncia ante a Guardia Civil, que tentará esclarecer os feitos.