O BNG de Tui renovou o seu Consello Local

No pasado dia 4 de Outubro os nacionalistas de Tui celebraron a súa Asemblea Local onde, nun concorrido acto, se analizou a situación desta organización política e se fixaron os obxectivos para este novo mandato eleitoral. Valorouse como moi positivo o traballo dos representantes municipais, Carme Núñez e X. M. Mtnez Tato e decidiuse impulsar e apoiar ainda mais labor institucional de oposición municipal. Fixouse como indispensábel o rigor na fiscalización das accións do goberno do PSOE, apoiando as iniciativas que concorden co programa do BNG e denunciando as que sexan consideradas negativas para os intereses do povo e das clases traballadoras.

Entre os eixos fundamentais para desenvolver neste período poñen en destaque a defensa do medio ambiente, -campo no que xa se teñen preparadas e presentadas mocións no pleno-, o coidado e posta en valor do noso patrimonio histórico, tanto na cidade como nas parroquias, os servizos sociais e a participación cidadá.

Unha reunión posterior á Asemblea, serviu para tratar aspectos organizativos e de funcionamento interno. Decidiuse asimesmo aumentar mellorar a comunicación cos colectivos sociais, culturais e desportivos do concello, e intensificar os labores comunicativos ligados ás redes sociais.

O novo Consello está coordenado polo Responsábel Local, Josué Campos, e nel designaronse, entre outros, responsábeis de organización, de política municipal e de comunicación.