O deputado Carlos Font anuncia unha nova achega da Deputación a Tui a través do Plan Concellos

Co proxecto financiado pola institución provincial, se procederá a repoñer elementos que requiren unha intervención urxente, como son as portas de balcóns e fiestras de madeira tratadas con aceites naturais ou pintadas con lasures en branco ou verde, das mesmas dimensión e características das existentes. Dotarase ás mesmas de cristais formados por dous vidros e unha cámara de aire estanca, cumprindo así cos estándares de eficiencia enerxética, reparando tamén elementos danados das portas exteriores da planta ¬-1. En total serán 4 portas de balcóns novas de madeira de castaño e 19 fiestras de diferentes tamaños na mesma madeira, así como a restauración de outras cinco portas situadas en diferentes puntos da Casa do Concello.

"Estes investimentos son de vital importancia para o desenvolvemento dos concellos que reciben financiación para a realización de obras de mellora de diferentes tipos", sinalou o deputado Font. Ademais, en Tui a Deputación xa aprobou outra serie de investimentos con cargo ao Plan Concellos como a elaboración de cartografía six, ortofoto dixital e rede topográfica do Concello, por un importe de 90.000 euros; mellora dos vestiarios do polideportivo municipal, por 59.817,58 euros; a mellora da pavimentación no camiño de acceso ao núcleo da Malladoura, cun presuposto de 49,476,88 euros; a substitución da cuberta na nave de maquinaria do Concello, que ascendeu a 63.120,32 euros; ou a área lúdico recreativa do CEPI Rebordonas, á que se destinaron 42.442,18 euros.

A estas partidas da Liña 1, hai que sumarlle outras concedidas a través da Liña 2 por importe de 44.577,61 euros e a contratación de 20 traballadoras, con cargo á Liña 3, cun orzamento de 237.178,67 euros. O Plan Concellos deixou neste ano unha inversión de 1.769.637,16 euros no Concello de Tui, o que supón un incremento do 76,35% con respecto ao exercicio anterior.