O Espazo Xove de Tui acolle o 22 de febreiro unha charla informativa sobre a Iniciativa Xove e Galeuropa

ESPAZO XOVE DE TUI

CHARLA INFORMATIVA: INICIATIVA XOVE - GALEUROPA

Venres, 22 de febreiro ás 19.00 horas

Daranse a coñecer as características básicas dos dous programas da Dirección Xeral de Xuventude

INICIATIVA XOVE:
A Dirección Xeral de Xuventude, Participación e Voluntariado convoca o programa Iniciativa Xove que consiste en axudas económicas para a posta en marcha de iniciativas xuvenís, entendidas estas como proxectos liderados pola mocidade de Galicia, que se desenvolvan durante o ano 2019, e nos cales as persoas novas sexan as verdadeiras protagonistas, que participarán activamente na planificación e na realización das actividades deseñadas por elas mesmas.
A finalidade das subvencións é fomentar e consolidar a participación libre e eficaz da mocidade no desenvolvemento político, social, económico e cultural, así como promover a adecuada utilización do lecer, a calidade de vida e o benestar dos mozos e mozas da nosa comunidade autónoma, a través de proxectos integrais e específicos de actuación.

GALEUROPA
Programa de mobilidade transnacional xuvenil . OBXECTO DAS AXUDAS: realización de prácticas formativas non laborais en empresas/entidades públicas ou privadas de países europeos.