O GRUPO MUNICIPAL SOCIALISTA DE TUI LEVARÁ A O DERRADEIRO PLENO DESTA LEXISLATURA UNHA MOCIÓN NA QUE SE SOLICITA A ADHESIÓN DO CONCELLO DE TUI AO PROXECTO DE TRANSPORTE METROPOLITANO

Dende o Grupo Municipal Socialista resulta inverosímil que o Concello de Tui non amosara ningún tipo de interese neste proxecto, no que si están outros concellos limítrofes coma Porriño ou Salceda, con quen o Concello de Tui comparte límites territoriais. Dase a paradoxa que moitos veciños das parroquias de Paramos, Caldelas, Baldráns ou Guillarei non se vexan beneficiados por este plan cando moitos deles comparten lindes xeográficos común.

A maiores cabe salientar que o Concello de Tui comparte infraestrutura tanto viaria coma ferroviaria cos Concellos que forman parte do Plan de Trasnporte Metropolitano, e non só en materia de comunicación, senón tamén en materia de chan industrial e de prestazón de servizos. Asemade o fluxo de persoas que diariamente se desprazan aos concellos da área metropolitana de Vigo, non só dende o Concello de Tui, senón tamén dende os concellos da comarca do Baixo Miño, é cuantitativamente importante coma para ser tomada en consideración a proposta.

Polo exposto o Grupo Municipal Socialista entende que existen razóns de tipo socioeconómico que fan máis que necesario que o Concello de Tui non se quede fora deste Plan, xa que a adhesión ao mesmo redundaría en beneficio do conxunto dos veciños, así coma tamén do texido industrial el comercial.

Na moción tamén se incluirá a petición de que o Goberno Municipal negocie co Ministerio de Fomento a mellora das comunicacións ferroviarias do Concello de Tui, e en definitiva da Comarca do Baixo Miño, coa area metropolitana, outro dos grandes proxectos esquencidos polo conxunto das tres administracións, cando resulta algo fundamental para o progreso e consolidación do texido industrial e comercial de todo o Baixo Miño.

Enrique Cabaleiro González
Voceiro do Grupo Municipal Socialista de Tui