O grupo parlamentartio do PP presenta unha proposición non de lei para declarar á colección de Sambenitos da Catedral de Tui como Ben de Interese Cultural

O parlamentario tudense, Moisés Rodríguez Pérez, xunto con outros cinco membro do Grupo Parlamentario do Partido Popular presentaron a pasada semana unha Proposición Non de Lei na que solicitan pola que solicitan que o Parlamento de Galicia “inste á Xunta de Galicia a realizar os estudos pertinentes que permitan determinar se a colección de sambenitos da catedral de Tui posúe valor sobranceiro, tal e como se establece na Lei de Patrimonio Cultural de Galicia, como paso necesario para poder iniciarse un expediente de incoación de Ben de  Interese Cultural”

Como se expresa na exposición de motivos deste Proposición mais aló do seu valor histórico e a súa significación, esta colección de sambenitos da catedral de Tui posúe un carácter excepcional e único que parece facelos merecedores da máxima protección legal recollida na lei de patrimonio cultural de Galicia.

Para Moisés Rodríguez resulta necesario que esta colección de “Sambenitos” do século XVII procedentes da Catedral de Tui e que son unha pezas únicas en Europa teñan unha protección legal consonte ao seu caracter unico e excepcional pois resulta a principal expresión patrimonial da presenza de comunidades sefardís ou criptoxudias ou tamén chamados “cristiáns novos” en Galicia.

A Lei de Patrimonio Cultural de Galicia de 2016 establece que queles bens mais sobranceiros poderán ser obxecto da declaración de Bens de Interese Cultural (BIC) con tres categorías: inmobles, mobles e inmateriais. Este colección de Sambenitos tudense é unha expresión deste patrimonio moble que posúe unha singular significación cultural e unha importante potencialidade turística que esta declaración como BIC que agora se reclama pode potenciar de xeito importante.

Esta dobre finalidade é, en palabras de Moisés Rodríguez, a que anima aos parlamentarios que asinaron esta Proposición que será proximanente debatida na Comisión 4º de Educación e Cultura do Parlamento de Galicia.