O Guardés, novamente mellor equipo galego

O Atlético Guardés tamén repite premio como mellor equipo galego.

Despois de acadar o título de Liga na máxima categoría do balonmán feminino español en 2017, ao ano seguinte quedou segundo clasificado (empatado a puntos co primeiro), mentres que o Cidade de Lugo Fluvial será o mellor club nun ano redondo: Campioas da Liga Nacional de Clubs de Tríatlon, campioas de España de Dúatlon por clubs, campioas da Copa do Rei de tríatlon, sextas no Campionato de Europa de Tríatlon por clubs.

Na categoría de adestradora o premio será para Carla Abad, técnica do Balonmán Cañiza e seleccionadora galega infantil feminina. Con Galicia acadou a medalla de bronce no campionato de España 2018. Ademais, Zulema González (galega de Terceira División e árbitra da primeira categoría do fútbol feminino) repite por segundo ano consecutivo como mellor árbitra, ao converterse na "primeira árbitra galega que acada o nivel FIFA". A directiva do Burela F.S. foi recoñecida como mellor directiva do ano, por facer historia ao asinar o primeiro convenio colectivo de fútbol sala feminino.
O premio ao medio de comunicación amigo do deporte feminino, foi este ano dobre, ao concederse ao Diario de Pontevedra e ao Faro de Vigo.

O premio para a entidade privada máis colaboradora é para Rodosa, unha empresa cunha sensibilidade especial, que patrocina tanto a deportistas (por exemplo, foi un dos primeiros patrocinadores de Susana Rodríguez), clubs femininos e eventos deportivos, mentres que o premio para a entidade pública foi para a Deputación de Pontevedra, pola promoción do igualdade no deporte. Na iniciativa a prol do deporte o galardón recaeu na Escola de Fútbol Feminino Rosalía (Ourense), fundada en 2018 para dar saída a todas esas nenas que queren xogar ao fútbol e non atopaban acomodo noutros clubs.

No transcurso da gala, tamén se entregará unha mención especial, que será para a esgrimista Judith Rodríguez, que o pasado ano, volvendo da disputa dun campionato, sufriu un grave accidente de tráfico, do que se está a recuperar.

Ademais, a título póstumo, o deporte feminino galego homenaxeará a Manuel González Soto, ex presidente do Chapela de balonmán, pola súa aposta polo balonmán feminino e a Micalea Sinde, que levou a bandeira galega ata o Polo Norte e apostou polo deporte na loita contra a enfermidade.

Lista de premiados/as correspondentes aos Premio ao Deporte Feminino 2018:
o Mellor deportista feminina: Ana Peleteiro
o Mellor deportista feminina con diversidade funcional:
Susana Rodríguez Gacio
o Mellor deportista feminina promesa: Teresa Abilleira e
Malena Mieres
o Mellor adestradora do deporte feminino: Carla Abad
o Mellor equipo feminino: Atlético Guardés
o Premio á traxectoria: Nieves Gamallo
o Mellor árbitra ou xuíza: Zulema González
o Mellor directiva (máis comprometida/o co desenvolvemento
do deporte feminino): A directiva do Burela F.S.
o Mellor club: Cidade de Lugo Fluvial
o Medio de comunicación amigo do deporte feminino:
- Diario de Pontevedra
- Faro de Vigo
o Institución pública amiga do deporte feminino: Deputación
de Pontevedra
o Entidade privada máis colaboradora co deporte feminino:
Rodosa
o Mellor iniciativa a prol do deporte feminino: Escola de
Fútbol Feminino Rosalía
o Mención especial: Judith Rodríguez
o Mención honorífica In Memoriam:
- Manuel González Soto
- Micalea Sinde