O IES Indalecio Pérez Tizón de Tui remata o ano lectivo con Odaiko Pescusión

O vindeiro venres 23 de xuño é o derradeiro día lectivo deste curso. Atrás quedan moitas horas de traballo do noso alumnado e tamén do profesorado que o atendeu nas clases. A todos eles, moitos parabéns polo traballo ben feito e polos resultados acadados e esperamos volver a velos en setembro para un novo curso.

O que non queremos e despedirnos sen máis; por iso imos ter unha mañá chea de actividades. Actividades deportivas, futbiño, volveibol e baloncesto, de 9 a 11:30; acto de gradación do alumnado de 2º de bacharelato, ó que fican convidados os seu proxenitores, as 11:30 e remataremos co concerto do grupo ODAIKO co seu espectáculo "Invención".

Este grupo, está integrado por percusionistas multidisciplinares cunha reputada traxectoria ás súas costas e cun afán de combinar o mellor do pasado cun presente sen limites. Para coñecer as súas orixes hai que remontarse ao ano 2002 e á Holanda, sendo no 2004 cando sacan á luz o seu primeiro proxecto na cidade de Ourense, onde sempre se aplaudiron a estrea dos seus espectáculos.

A proposta artística deste grupo galego céntrase na exploración da música tradicional multiétnica, na súa variante percusiva, faceta pouco traballada pola dificultade que supón a diversidade técnico-musical. Nos nosos espectáculos hai instrumentos de orixe oriental (odaikos, gongs, táboas) africanos (djembé, sabar, dum-dum) latinoamericanos (congas, bongos, maracas, caixón), galegos (bombo, pratos, tamboril, tarrañolas) e instrumentos de creación posterior como a marimba, vibráfono ou batería.

Moitas grazas ó alumnado e ó profesorado pola paciencia amosada ó longo do curso para as diferentes actividades desenvolvidas, que non foron poucas; tamén agradecemos a colaboración das casas comerciais e medios informativos por prestarnos as vosas plataformas empresariais para as nosas actividades.

Boas vacacións a todos