O obradoiro de emprego Revaloriza Tui devolve o seu esplendor ao lavadoiro de Fontenla en Areas

O lavadoiro de Fontenla, en Areas, recuperou o seu esplendor tras a actuación realizada polo alumnado do Obradoiro de Emprego Revaloriza Tui. Este ben patrimonial atopábase nun estado deplorable cheo de maleza e cos distintos elementos nun mal estado de conservación. A intervención realizada polo alumnado das especialidades de carpintería e canteiría permitiu que o lavadoiro fora totalmente recuperado.

Agora, a poucos días do remate deste proxecto formativo o alumnado traballa na recuperación e embelecemento da fonte de Albelos en Guillarei. Ademais, en marzo completaran xa a restauración do lavadoiro de Laxes en Randufe e en xuño do Lavadoiro do Souto en Guillarei.

O obradoiro iniciou a súa actividade en outubro de 2021 formando, durante nove meses, a vinte persoas nas dúas especialidades con que conta esta acción de formación e emprego Colocación de Pedra Natural e Montaxe e Instalación de Construcións de Madeira. O alumnado, ademais destas obras de recuperación de tres lavadoiros e unha fonte, realizou outras obras complementarias. 

Todas estas actuacións son o resultado dos coñecementos adquiridos ao longo de nove meses polo alumnado de cada especialidade, que recibirán o correspondente certificado de profesionalidade e estarán en disposición de incorporarse ao mercado labora en dúas profesións que contan cunha gran demanda na actualidade.