O Partido Popular viralle as costas @s veciñ@s de Tui votando en contra de tódalas emendas aos orzamentos presentadas polo BNG no Parlamento de Galiza

Foron 350 NONS que converteron o debate dos orzamentos , o debate máis importante do ano, nun trámite burocrático. O PP fixo unha emenda á totalidade á democracia negándose a dialogar e a provocar cambios que sexan útiles para mellorar a vida das persoas e facer progresar a Galiza.

Das 350 emendas presentadas 5 tiñan que ver directamente coa localidade de Tui ,onde se defendían e solicitaba partidas orzamentais para obter os seguintes servizos:

Unha ambulancia medicalizada para o Baixo Miño,debido a grande distancia que separa a nosa comarca co hospital de referencia, a posta en marcha de caracter urxente do novo centro de ensino de Pazos de Reis,o acondicionamento da estrada PO-404,a construcción dunha rotonda na P0-552 en Areas que suporía unha mellora na seguridade viaria desta parroquia e o desatascamento de tráfico na intersección desta estrada á altura da igreza desta parroquia, e a optimización dos servizos do Centro de Interpretación da Natureza do Parque Natural Monte Aloia.

Con todo isto o Partido Popular cegouse pola soberbia de ter maoría, executando e gobernando sen pensar nas veciñas e nos veciños de Tui .