Pleno extraordinario urxente este mércores en Tui

ORGANO COLEXIADO: Pleno  Corporativo.

Nº DE SESIÓN: 13/2016

CARÁCTER: Extraordinario Urxente

RESOLUCIÓN DE ALCALDÍA.- CONVOCATORIA PLENO EXTRAORDINARIO-URXENTE

Resolución da Presidencia do órgano colexiado mais arriba mencionado, pola que se convoca sesión de carácter extraordinaria-urxente.

De acordo co disposto no artigo 46.2 b) da Lei 7/1985, de 2 de abril, Reguladora das bases de réxime local e o art. 80 do Real Decreto Lexislativo 2568/1986, de 23 de novembro, polo que se aproba o Regulamento de Funcionamento, Organización é Réxime xurídico das Entidades Locais, esta alcaldía, RESOLVE:

PRIMEIRO.- Convocar á Sesión Extraordinaria-Urxente do Pleno Corporativo a celebrar o día 7 de decembro, ás 09:00 horas, e dous días despois á mesma hora en segunda convocatoria en caso de non existir o quórum esixido na primeira, no Salón de Sesións da Casa do Concello,  a fin de resolver os puntos incluídos na seguinte

ORDE DO DÍA

1º.- PRONUNCIAMENTO DO PLENO SOBRE A MOTIVACIÓN DA URXENCIA.-  O carácter extraordinario e urxente da sesión se motiva  na necesidade de aprobación inicial da modificación puntual  que se relaciona na Orde do Día con anterioridade á entrada en vigor do  Decreto 143/2016, do 22 de setembro, polo que se aproba o Regulamento da Lei 2/2016 do Solo de Galicia, dado que a modificación en cuestión xa se viu afectada por numerosas modificacións lexislativas e para evitar unha maior onerosidade e complexidade no procedemento.

2º.- PROPOSTA DA ALCALDÍA EN RELACIÓN COA MODIFICACIÓN PUNTUAL DO PXOM NO ÁMBITO DOS SECTORES SU2A E SU2B DO PXOM, CON ORDENACIÓNS DETALLADAS.

SEGUNDO.- Notificar a presente Resolución aos concelleiros advertíndolles que, conforme ao disposto polo artigo 12.1 do citado RD 2568/1986, do 28 de novembro, deberán comunicar coa antelación necesaria calquera causa xustificada que implique a imposibilidade de asistir á citada sesión.

TERCEIRO.- Que pola Secretaría municipal se poña a disposición dos Concelleiros a documentación dos asuntos incluídos na orde do día, acompañando a convocatoria copia das actas das sesións anteriores que se sometan a votación, no seu caso.

Mándoo e asínoo en Tui, 2 de decembro de 2016.

Dou fe,

O Alcalde                                                             A Secretaria

Enrique Cabaleiro González                          Pilar Fernández Alonso