PLENO ORDINARIO DA CORPORACIÓN MUNICIPAL DE TUI ESTE XOVES 28 DE ABRIL

ORGANO COLEXIADO: Pleno Corporativo.
Nº DE SESIÓN: 4/2016
CARÁCTER: Ordinario
ASUNTO: Notificando acordo.

Con data 25 de abril de 2016, o Sr.Alcalde-Presidente ditou a resolución co tenor literal que se indica:

"RESOLUCIÓN DE ALCALDÍA.- CONVOCATORIA PLENO ORDINARIO
Resolución da Presidencia do órgano colexiado mais arriba mencionado, pola que se convoca sesión de carácter ordinaria.
De acordo co disposto no artigo 46.2 b) da Lei 7/1985, de 2 de abril, Reguladora das bases de réxime local e o art. 80 do Real Decreto Lexislativo 2568/1986, de 23 de novembro, polo que se aproba o Regulamento de Funcionamento, Organización é Réxime xurídico das Entidades Locais, esta alcaldía, RESOLVE:
PRIMEIRO.- Convocar á Sesión Ordinaria do Pleno Corporativo a celebrar o día 28 de abril, ás 20:00 horas, e dous días despois á mesma hora en segunda convocatoria en caso de non existir o quórum esixido na primeira, no Salón de Sesións da Casa do Concello, a fin de resolver os puntos incluídos na seguinte
ORDE DO DÍA
1º.- APROBACIÓN, SE PROCEDE, DE BORRADORES DE ACTAS DE SESIÓNS Nº2/2016, DE 25/02/2016 E Nº 3/2016, DE 23/03/2016.

2º.- DITAME DA COMISIÓN INFORMATIVA DE CONTAS, FACENDA, PATRIMONIO E PERSOAL DE APROBACIÓN EXPEDIENTE CRÉDITO EXTRAORDINARIO 1/2016.

3º.- DITAME DA COMISIÓN INFORMATIVA DE CONTAS, FACENDA, PATRIMONIO E PERSOAL DE APROBACIÓN DE EXPEDIENTE Nº 1/2016 DE RECOÑECEMENTO EXTRAXUDICIAL DE CRÉDITOS.

4º.- DITAME DA COMISIÓN INFORMATIVA DE CONTAS, FACENDA, PATRIMONIO E PERSOAL DE APROBACIÓN DE EXPEDIENTE Nº 2/2016 DE RECOÑECEMENTO EXTRAXUDICIAL DE CRÉDITOS.

5º.- DITAME DA COMISIÓN INFORMATIVA DE CONTAS, FACENDA, PATRIMONIO E PERSOAL DE RECLAMACIÓN DO MANTEMENTO DA PARTIDA ORZAMENTARIA DESTINADA Á VAC TUI - A GUARDA.

6º.- CONTROL ÓS ÓRGANOS DE GOBERNO:

6.1. Disposicións de interese.

6.2. Dación de conta das Resolucións de Alcaldía dende o último pleno ordinario.

6.3. Dación de conta do Plan Orzamentario a medio prazo correspondente ao período 2017/2019, elaborado ao abeiro do disposto no artigo 29 da Lei Orgánica 2/2012, de 27 de abril, de Estabilidade orzamentaria e sustentabilidade financeira.

6.4. Dación de conta do informe trimestral de intervención correspondente ao cuarto trimestre do exercicio 2015, elaborados conforme a Guía para a elaboración dos informes trimestrais que as entidades locais deben remitir ao Ministerio de Economía e Facenda, en cumprimento do artigo 4º da Lei 15/2010, de 5 de xullo, de Medidas de loita contra a morosidade.

6.5. Mocións.

6.6. Rogos e preguntas.

SEGUNDO.- Notificar a presente Resolución aos concelleiros advertíndolles que, conforme ao disposto polo artigo 12.1 do citado RD 2568/1986, do 28 de novembro, deberán comunicar coa antelación necesaria calquera causa xustificada que implique a imposibilidade de asistir á citada sesión.

TERCEIRO.- Que pola Secretaría municipal se poña a disposición dos Concelleiros a documentación dos asuntos incluídos na orde do día, acompañando a convocatoria copia das actas das sesións anteriores que se sometan a votación, no seu caso."

O que lle notifico pola súa condición de interesado, en cumprimento do establecido no artigo 58 da Lei 30/92, de 26 de novembro, de Réxime xurídico e procedemento administrativo común, e no artigo 194 do RD 2568/1986, do 28 de novembro, polo que se aproba o Regulamento de Organización, Funcionamento e Réxime xurídico das Entidades Locais.

A citada resolución pon fin á vía administrativa polo que contra a mesma pode interpoñerse RECURSO DE REPOSICIÓN no prazo dun mes ante o mesmo que ditou o acto, conforme ao previsto nos artigos 116 e 117 da Lei 30/92 do 26 de novembro, de Réxime xurídico das Administracións públicas e do procedemento administrativo común, ou ben, se non quere exercitar o seu dereito a presentar o recurso potestativo de reposición mencionado, pode interpoñer directamente recurso contencioso-administrativo, no prazo de dous meses ante o Xulgado do Contencioso-Administrativo de Pontevedra, órgano xurisdicional competente, conforme ao establecido na Lei 29/98, do 13 de xullo, Reguladora da Xurisdición Contencioso-Administrativa.

Tui, 25 de abril de 2016