Programación da Asociación Cultural Betún para esta fin de semana

A seguinte fin de semana chega á casa betuneira chea de cousas interesantes:

- O venres arrancamos coa nosa Jam Session: o noso encontro mensual de música improvisada.

As Jam Sessions da Asociación Cultural Betún pretenden converterse nunha cita ineludible cada primeiro venres de mes para os músicos/as da zona. Unha oportunidade fantástica para achegar aos músicos entre si e gozar como público da improvisación en directo.

- O sábado de 17 a 20h, Obradoiro de Theremin: a melodía nas ondas. Obradoiro de achegamento ás posibilidades melódicas do único instrumento que se toca sen tocarse

-Breve introducción á orixe do instrumento, radio de acción a principios de século do seu inventor, Leon Theremin.

Recopilación de material audiovisual variado sobre este e outros instrumentos electrónicos non convencionais similares da época.

-Cómo funciona o instrumento: A melodía nas ondas das súas dúas antenas.

Postura diante do instrumento, afinación e detalles básicos para facer soar notas do Theremin.

Demostración de interpretacións de temas coñecidos coas explicacións oportunas para comprender as diferentes técnicas.

Prácticas de sinxelos exercicios e experimentacións para que os asistentes sintan a experiencia de manipular o son sen tocar un instrumento.

Movementos da man/ brazo esquerdo coa antena de volume.

Movementos da man/ brazo dereito coa antena de tono.

-Theremin con novos elementos; delay/loopers

Demostracións de armonizacións de sons utilizando capas.

Pequena toma de contacto libre dos asistentes co instrumento.

Obradoiro con práctica ao 50%.

Todas as explicacións cun theremin diante do que imparte o curso para interpretar pezas, escalas ou o que sexa de interés polos asistentes.

- O sábado ás 22h despedimos a fin de semana con Modulador de Ondas, one-man-band que coa súa guitarra e o seu theremin faranos viaxar polo espazo sonoro.

Un só músico que leva ao directo un repertorio de temas propios utilizando unicamente dous instrumentos: theremin e guitarra. Esta poderosa combinación poténciase co uso de loop stations que lle permiten facer música a base de capas de son. Suxerente proposta que se completa a través de imaxes proxectadas, non como un ornamento se non como parte dá linguaxe dá intervención. Podes escoitar dous temas na rede no seu bandcamp: https://moduladordeondas.bandcamp.com/