PROPOSTAS PARA A SUSTENTABILIDADE FINANCEIRA E MELLOR FUNCIONAMENTO DO CONSERVATORIO MUNICIPAL DE TUI

Dado que:
-O conservatorio e a escola de música prestan un servizo moi valorado e que xera unha importante actividade e que portanto compre manter e desde o concello temos que buscar un duplo obxectivo, conseguir que se manteña o servizo e conseguir que este servizo sexa sustentable financeiramente.
-Ten habido problemas na calidade de ensino como consecuencia da non existencia dunha bolsa de traballo que permita reemprazar as vacantes de profesorado con axilidade.
-O conservatorio e a escola de música xeran un importante défice anual que no ano 2014 ascendeu a 224,060,13 €. Se dividimos este défice entre o número de matriculados os contribuintes de Tui teñen que sufragar de media por cada aluno 727 euros anuais.
-Entre o conservatorio e a Escola de Música hai matriculados 186 alunos de Tui e 122 doutras localidades galegas e portuguesas e que isto xera un importante custo aos contribuintes tudenses. Se multiplicarmos o número de alunos non tudenses (122) polo custo unitario de cada aluno non cuberto polas matrículas (727 €) 122x727= 88.694 € que seria a cantidade que os contribuintes tudenses sufragamos via impostos correspondente aos alunos que non son do noso concello.
-A administración local non ten responsabilidades educativas segundo a lexislación vixente, por certo, en contra do parecer de C21 que defende en solitario uns concellos fusionados, fortes e autosuficientes que poidan ampliar as suas competencias, tamén na area educativa, a custa das deputacións (que deberían desaparecer), autonomías e estado.
Converxencia 21 de Tui propón:
-Mancomunar con concellos limítrofes galegos e portugueses o conservatorio de tal maneira que o custo se poida distribuir con maior xustiza.
-Buscar patrocinadores privados. Compre apostar polo mecenádego cultural na liña do que se fai nos países máis avanzados.
-Facer unha auditoría con respecto á xestión do centro de ensinanzas musicais para asegurarnos de que o diñeiro dos contribuintes e das matrículas está sendo correctamente xestionado.
Asinado: Carlos Vázquez Padín
Voceiro municipal de Converxencia 21