Tui acolleu a pasada fin de semana o Forum Peregrino

Acabadas as ponencias da mañá, os asistentes encamiñáronse á igrexa de San Domingos, onde puideron escoitar a actuación musical da ACP San Blas Budiño.

Tras a comida, os retomáronse as actividades do Fórum, cunha visita guiada á igrexa de San Bartolomeu, onde asistiron as explicación de D Avelino Bouzón, Director do Arquivo capitular e histórico diocesano e párroco de San Bartolomeu.

Na sesión da tarde, falou do Camiño de Fisterra, Begoña Valdomar, vicepresidenta da Asociación Galega Amigos do Camiño de Santiago
e hospitaleira de Fisterra. A continuación falou do Camiño de Inverno, a presidenta da Asociación Amigos do Camiño de Santiago por Valdeorras,
Asunción Arias.
Alfonso Ferreira, en representación da Asociación Iacobus, falou do camiño portugués que entra por Tui á Galicia.

Puxo o colofón aos actos, Xosé Maria Palmeiro, xornalista e Presidente da Asociación de Periodistas e Estudosos do Camiño de Santiago, que presentou as conclusións extraídas do falado ao longo da xornada e expuxo o seu punto de vista en canto ao estado actual dos Camiños de Santiago en Galicia e as súas perspectivas de futuro.

Fíxoselle entrega a todos as persoas anteriormente citadas, dun agasallo de parte do Concello de Tui, entregados por Victoria Álvarez e o Alcalde Enrique Cabaleiro.

Acabados os actos, rematouse a xornada, coa actuación do Grupo de gaitas da Asociacion Cultural ALOIA de Pazos de Reis.

Unha cea comunitaria e unha queimada, puxeron fin ao Fórum Peregrino de 2017.