Tui leva a pleno este xoves a renuncia de varios concelleiros

ANUNCIO

Con data 26 de xuño de 2017, o Sr.Alcalde ditou resolución co tenor literal que se indica:
"RESOLUCIÓN DE ALCALDÍA.- CONVOCATORIA PLENO ORDINARIO
Resolución da Presidencia do órgano colexiado mais arriba mencionado, pola que se convoca sesión de carácter ordinaria.
De acordo co disposto no artigo 46.2 b) da Lei 7/1985, de 2 de abril, Reguladora das bases de réxime local e o art. 80 do Real Decreto Lexislativo 2568/1986, de 23 de novembro, polo que se aproba o Regulamento de Funcionamento, Organización é Réxime xurídico das Entidades Locais, esta alcaldía,

RESOLVE:
PRIMEIRO.- Convocar á Sesión Ordinaria do Pleno Corporativo a celebrar o día 29 de xuño ás 20:00 horas, e dous días despois á mesma hora en segunda convocatoria en caso de non existir o quórum esixido na primeira, no Salón de Sesións da Casa do Concello, a fin de resolver os puntos incluídos na seguinte

A) Parte resolutiva:
1º.- Toma de razón de escrito de renuncia de concelleiro José Manuel Sousa Sousa (RE 4749), e que se remita á Xunta Electoral Central para a remisión da credencial do correspondente concelleiro electo de lista que corresponda ( José Rendo Pérez, dados escritos de renuncia presentados con RE números 4750, 4751,5095,5096).
2º.- Toma de razón de escrito de renuncia de concelleiro Antonio Feliciano Fernández Rocha (RE 4928), e que se remita á Xunta Electoral Central para a remisión da credencial do correspondente concelleiro electo de lista que corresponda ( Yovana Velázquez Torres ).
3º.- Toma de razón de escrito de renuncia de concelleiro Manuel González Vázquez (RE 5037), e que se remita á Xunta Electoral Central para a remisión da credencial do correspondente concelleiro electo de lista que corresponda ( Andrés Urseira González).
4º.- Aprobación, se procede, de borrador da acta da sesión anterior ordinaria nº5, de 25 de maio.
5º.- Ditame da Comisión Informativa de Urbanismo, Obras, Contratación e Servizos Municipais de aprobación inicial de Ordenanza municipal de Protección contra a Contaminación Acústica no Concello de Tui.

6º.- Mocións de Urxencia.
B).- Actividade de control:
7º.- Disposicións de interese.
8º.- Dación de conta das resolucións de Alcaldía dende o último pleno ordinario
C).- Rogos e preguntas:
9º.- Rogos e preguntas.
SEGUNDO.- Notificar a presente Resolución aos concelleiros advertíndolles que, conforme ao disposto polo artigo 12.1 do citado RD 2568/1986, do 28 de novembro, deberán comunicar coa antelación necesaria calquera causa xustificada que implique a imposibilidade de asistir á citada sesión.
TERCEIRO.- Que pola Secretaría municipal se poña a disposición dos Concelleiros a documentación dos asuntos incluídos na orde do día, acompañando a convocatoria copia das actas das sesións anteriores que se sometan a votación, no seu caso."