Tui podería iniciar as obras da apertura da rúa Ourense a comezos de 2017

A primeira fase da rúa Ourense entra na súa recta e as obras poderían iniciarse a comezos de 2017. A segunda fase conta xa co proxecto construtivo. A apertura deste vial suporá un cambio transcendental no núcleo urbano tudense.

A apertura da rúa Ourense, un proxecto longamente demandado pola cidadanía tudense ao longo dos últimos anos, está máis cerca de ser unha realidade. En Maio de 2016 e cunha ampla maioría da corporación municipal - 15 votos a favor de PSOE, BNG, Alternativa Tudense, Son de Tui, PP, C21 e APTUI, foi aprobado en pleno un expediente de créditos por importe de 984 mil euros, con cargo ao remanente de tesourería para habilitar o crédito para a expropiación dos dous edificios afectados e a execución da obra.

Enrique Cabaleiro, explicou que se trata dunha obra da máxima prioridade por unha banda polo feito que de que o PXOM, aprobado en 2011, establecía 5 anos para desenvolver os chans consolidados e non consolidados, e por outra pola necesidade de reordenar todo o entorno despois da recente apertura do novo centro de saúde de Tui.  Unha vez finalizada a apertura deste primeiro tramo da rúa Ourense, abordarase o segundo tramo no vial do viario.