Unha persecución policial na Guarda e un accidente de circulación en Oia alteraron a xornada deste mércores

Dous sucesos alteraron a tarde do mércores día 15 de agosto aos concellos da Guarda e de Oia.

Por unha banda sobre as 17:30h da tarde tiña lugar entre A Guarda e Tomiño unha persecución policial dun turismo con matrícula portuguesa que puxo en perigo aos demáis conductores da PO-552, realizando varias manobras temerarias e circulando a excesiva velocidade, mesmo en sentido contrario. Un dos conductores que se víu sorprendido por esta persecución asegurou á redacción de Infomiño.com que circulaba co seu turismo en sentido A Guarda, cando de súpeto atopouse nunha curva cun turismo circulando en sentido contrario que a piques estivo de colisionar co seu turismo, seguido de preto por unha patrulla da Guardia Civil. A persecución continuou ata Goián, no termo municipal de Tomiño, onde o turismo logrou cruzar a fronteira ata o veciño municipio de Vila Nova de Cerveira, en Portugal. Descoñécense arestora máis datos sobre este suceso, que alertou aos conductores desta vía.

No termo municipal de Oia tiña lugar unha saída de vía dun turismo sobre as 20:40h da tarde. O sinistro acontencía nas proximidades da Ponte de Loureza, onde por causas que se descoñecen, un turismo se saíu da vía caéndo por un desnivel de máis de 5 metros. Ata o lugar do accidente desprazáronse efectivos da Guardia Civil, GES da Guarda e sanitarios do 061.