Unha saída de vía deixa unha persoa falecida e tres feridas no Rosal

Unha persoa faleceu e outras tres resultaron feridas, unha delas en estado grave, despois de saírse da vía co vehículo no que viaxaban, no termo municipal pontevedrés do Rosal. No momento de producirse  o accidente, o turismo circulaba pola estrada que une as localidades da Guarda e Baiona, á altura do lugar de Portecelo. Segundo se lle explicou ao 112 Galicia, o vehículo derribou un poste de alumeado e caeu por un desnivel, chocando contra un muro.

Pasaban uns minutos das 08:30 horas desta mañá cando un particular informaba ao 112 do accidente que, decontado, pasou aviso a Urxencias Médicas, Bombeiros do Baixo Miño, Garda Civil de Tráfico e GES da Guarda.  Os servizos de emerxencia, unha vez no punto, confirmaron o falecemento dun dos ocupantes do vehículo. Ademais, indicaron que un dos feridos -que se atopaba no interior do turismo- estaba sendo atendido polo persoal sanitario, os outros tres xa foran trasladados.

Debido ao impacto, o cabreado do poste derribado quedou tendido sobre o turismo. Por iso,  dende o CAE 112 Galicia requiriuse a intervención do persoal da compañía eléctrica que da abastecemento na zona, para o corte do subministro eléctrico e así poder evacuar - sen risco- aos feridos.