As socialistas de Tomiño alarmadas ante a nova de explotación sexual no noso Concello

As socialistas de Tomiño afean ó Goberno Municipal terse enterado pola prensa dun caso de explotación sexual no noso Concello.

Unha vez máis a Xunta de Portavoces segue sin convocarse, nin unha soa vez no que vai de mandato, e nin siquera ante un caso de extrema gravidade coma este, onde un clube de alterne con sede en Tomiño ven de ser clausurado polo Xulgado N°5 de Vigo, logo de ter actuado Extranxería.

A voceira socialista, Violeta de Santiago, afirma que “cónstanos denuncia cursada na apertura de dito clube por carecer de licenza para ese tipo de “actividade”, e a día de hoxe descoñecemos si está resolta favorablemente ou non, pero calificamos de inconcebible mirar para outro lado en casos así, pois a trata de seres humanos co fin de explotación sexual é un delito moi grave e é a obriga de tod@s , especialmente das Administracións, loitar contra el e axudar ás vítimas, mulleres tratadas como mercancía, vulnerables, escravizadas e sometidas. Espérase este compromiso rotundo dun Goberno que se autocalifica feminista e comprometido coa muller como o de Tomiño.