Despois do seu paso por Póvoa de Varzím, onde foi inaugurada a principios do pasado mes de xullo, a Exposición das Marcas dos Pescadores de Póvoa e da Guarda inaugurábase o pasado sábado día 22 de setmebro na Casa dos Alonsos da Guarda.

Previamente, sobre as 13:00h, chegaba ao Porto da Guarda a embarcación Tradicional "Fe em Deus", con 15 tripulantes, que fixo a súa travesía dende Póvoa de Varzím ata terras galega,s ao igual que o fixeron noutros tempos os pescadores da Povoa. Á súa chegada agardábanlles embarcacións do Clube de Remo Robaleira e pescadores da Guarda, sendo recibidos polas autoridades da Guarda e polo Vicepresidente da âmara de Povoa de Varzím.

Algúns veciños e visitantes gozaron pola tarde dunha travesía nesta embarcación polas aforas do Porto da Guarda, destacando a súa navegabilidade e a perfeta coordinación dos seus compoñentes para o izado da vela e o cambio da mesma en alta mar.

A exposición que se atopa na Casa dos Alonsos, recolle unha mostra fotográfica, de aparellos de pesca, artigos e escritos sobre a historia do mar e dos seus pescadores.

Despois dunha breve explicación sobre os diferentes contidos desta exposición, realizaouse unha tertulia, dirixida por Agustín Ferreira Lourenzo, na que participaran pescadores de Póvoa de Varzím e da Guarda, onde se intercambiaran experiencias, anécdotas, memorias e sobre todo, afondar a forte vinculación existente entre estes dous municipios.

As fronteiras non separan as augas do mar e aos seus pescadores, nos tempos de barcos a remos e velas os povoeiros tiñan moita vinculacións con Galicia e coa Guarda, onde atopaban abrigo ante os temporais do mar e onde tamén visitaban a ermida de Santa Trega, as súas marcas foron sempre un punto en común entre eles, unha maneira de identificarse entre si, nun tempo no que non existían outras formas de comunicacións ou de distinción, compartindo as marcas coma un nexo histórico-cultural común.

A Exposición Marcas dos Mariñeiros visita A Guarda ata o vindeiro 6 de outubro, enmarcada nos actos previos á celebración do XIV Encontro de Embarcacións Tradicionais de Galicia, que se celebrará na Guarda do 11 ao 14 de xullo de 2019.

GALERÍA DE FOTOS

Haz clic en la imagen de abajo para acceder a la Galería de fotografías

 Embarcación "Fé em Deus"

Inauguración exposición