Máis de 2800 persoas pasaron en xuño pola Oficina Municipal de Turismo de Tui

Máis de 2.800 persoas solicitaron información durante o mes de xuño na Oficina Municipal de Turismo, situada no Paseo da Corredoira.  Das 2.873 persoas que se achegaron até este punto de información 1.176 eran peregrinos e 1.697 turistas.

O turismo rexistrado na cidade durante o mes de xuño foi maioritariamente nacional, xa que dos 1.697 turistas que pasaron pola oficina tudense 1.503 eran do país e 194 estranxeiros. Os turistas que máis se achegaron ata Tui eran de Madrid, cun total de 281, seguidos dos de Barcelona, con 281, e Pontevedra con 94. Estas tres cidades foron os principais puntos de orixe dos turistas que visitaron Tui. Mentres tanto, Arxentina con 24, Portugal e Alemaña con 21 persoas, Reino Unido con 19 e EEUU con 18 foron os países de procedencia maioritarios do turismo internacional.

Os peregrinos e peregrinas tamén simbolizaron unha cifra relevante en canto ao turistas que visitaron a Oficina Municipal de Turismo, sendo un total de 1.176, dos cales 728 eran nacionais e 448 internacionais.

No referente aos peregrinos nacionais, Madrid encabeza a lista en canto aos lugares de procedencia dos mesmos cun total de 103 personas, seguida por Valencia con 84, Sevilla con 81, e León con 72, sendo estes os principais puntos de orixe dos peregrinos do país. En canto aos internacionais, Alemaña con 91 persoas, Portugal con 71, EEUU con 42 e Italia con 39 foron os principais países de orixe.

Por outra parte, segundo os datos da Oficina do Peregrinos, no mes de xuño 11.820 realizaron o Camiño Portugués. Deste total 3.571 saíron de Tui, que se mantén coma cuarto punto de saída de peregrinos cara a Santiago tras Sarria, S. Jean P Port e Porto. A cidade de Valença atópase no sexto lugar con 1.656 peregrinos e peregrinas que iniciaron alí o camiño. 

O alcalde de Tui, Enrique Cabaleiro, valora positivamente estes datos do mes de xuño, que consolidan a boa evolución que o turismo está a rexistrar na cidade. Destacando as boas perspectivas que hai tanto para o mes de xullo para o de agosto.