O Concello de Tomiño presentou en rolda de prensa a Programación de Nadal 2012 o pasado Martes día 4 de Decembro de 2012, unha programación que novamente ten un tinte solidario coa recollida de xoguetes, comida e libros para os máis desfavorecidos do concello, grazas á colaboración e implicación das Asociacións de Veciños e distintos colectivos do municipio.

 

Para a alcaldesa de Tomiño, Sra. Sandra González, os veciños de Tomiño "destacan polo seu espíritu solidario", resaltando a iniciativa promovida polo Concello e máis de 20 Asociacións e colectivos do municipio que un ano máis colaboran na recollida de xoguetes, comida(alimentos non perecedeiros) e libros para que ningún nen@ quede sen xoguetes neste nadal, a campaña de recollida continúa activa ata o día 9 de Decembro, cando os servizos sociais serán os encargados de realizala entrega ás familias máis necesitadas.

 

A programación de Nadal 2012 do Concello de Tomiño estimula tamén o comercio local, con actividades de dinamización comercial levadas a cabo conxuntamente con Adeto, nas que se repartirán tikets entre os clientes para a realización de diferentes sorteos, así coma a instalación do alumeado de Nadal, que se encenderá o Sábado día 15 de Decembro. Tamén o día 2 de Xaneiro en Goián e o día 3 de Xaneiro na Praza da Mina realizaránse espectáculos de maxia para os máis cativos.

 

O Auditorio de Goián acollerá o 22 de Decembro unha actuación de canto coral e o 23 de Decembro terá lugar o tradicional Concerto de Nadal da Agrupación Musical de Goián. O Sábado día 15 de Decembro realizaráse a actuación da artista Uxía Senlle ás 20:30h da tarde.

 

Dentro da Programación de Nadal realizaráse, no Pavillón da Carballa, unha gran festa infantil con 3 día de duración (26, 27 e 28 de Decembro), na que os máis cativos poderán disfrutar de hinchables, unha gran variedade de obradoiros, así coma espectáculos de maxia e un sorteo de 3 bicicletas.

 

Destaca tamén a proxección do filme galego "O Apóstolo" en primicia para a comarca do Baixo Miño e que se poderá disfrutar en dúas funcións, a primeira delas o Sábado 29 ás 20:00h e a segunda o Domingo 30 ás 18:00h no Auditorio de Goián.

 

O Venres 4 de Xaneiro realizaráse un obradoiro de teatro no Auditorio de Goián e o Sábado día 5 de Xaneiro terá lugar a Gran Cabalgata de Reis, que partirá dende o Campo do Alivio sobre ás 16:30h ata chegar á Praza do Seixo, onde as súas Maxestades de Oriente recibirán @s nen@s.

 

Dende o luns 3 de decembro ábríuse o prazo de inscrición para os obradoiros gratuitos de nadal para nen@s de 3 a 12 anos, organizados pola Omix do concello de tomiño. Serán os días 17, 19 e 21 de decembro (nen@s de 3-6 anos de 16.30h a 18.30h e nen@s de 7-12 anos de 18.30 a 20.30h) e os días 28 e 29 de decembro (nen@s de 3-6 anos de 10.30 a 12.30h e nen@s de 7-12 anos de 12.30h a 14.30h). Para realizar a inscrición pódese pasar pola omix (campo da feira s/n), chamar ao teléfono 986623304 ou enviar un correo electrónico a voluntariado2europeo@gmail.com e dar os seguintes datos: nome e apelidos do neno ou nena, data de nacemento, número de teléfono e localidade de empadronamento.

 

FOTOGRAFÍAS

 

 

VIDEO

 

Bases

 

O Presidente desta Deputación Provincial, mediante resolución presidencial núm. 15567 de data 11 de decembro de 2012, aprobou as seguintes bases:

Primeira.—A Deputación de Pontevedra, no seu afán de colaborar co desenvolvemento e a actividade das rondallas da nosa provincia, convoca o IV Concurso Provincial de Rondallas Deputación de Pontevedra, que terá lugar o 30 de decembro de 2012 no Instituto feiral de Vigo (IFEVI).

Segunda.—Debido ó carácter de promoción deste concurso poderán optar a participar nel as rondallas da provincia que o desexen e que conten cun mínimo de corenta compoñentes e un máximo de cento vinte. O número máximo de rondallas participantes limítase a doce, e o número mínimo esixido pola Deputación para que se desenvolva o evento é de sete. O único criterio de selección será a orde de inscrición no rexistro xeral da Deputación de Pontevedra. as solicitudes presentadas trasladaránselle ó comité organizador. as inscricións realizadas fóra do prazo estipulado nestas bases non se admitirán, independentemente da causa que o produza.

Terceira.—O prazo de inscrición será de cinco días naturais contados a partir do seguinte ó da publicación destas bases no Boletín Oficial da Provincia. as inscricións formularanse mediante solicitude asinada polo representante legal de cada rondalla, segundo o modelo de instancia que se facilitará no rexistro xeral da Deputación, no Servizo de Cultura ou na páxina web da Deputación: www.depo.es, acompañada dunha certificación bancaria e da fotocopia compulsada do CIf ou NIf, segundo proceda, a cal se presentará no rexistro xeral da Deputación de Pontevedra. a inscrición no concurso implica a completa aceptación das súas bases.

Cuarta.—O escenario e as instalacións nas que se desenvolva o concurso serán as mesmas para todas as rondallas participantes.

Quinta.— Os premios do concurso, para as agrupacións participantes, serán:

• Primeiro Clasificado: 2.100 €
• Segundo Clasificado:1.800 €
• Terceiro Clasificado: 1.500 €

Establécese, a maiores, un premio para o mellor conxunto de abandeirados por un importe de catrocentos (400) euros que, baixo a dita denominación, se lle outorgará á rondalla premiada:

• Mellor conxunto de abandeirados: 400 €

Os importes destes premios aplicaranse con cargo á aplicación orzamentaria 12/330.334.481.06. O resto das rondallas participantes percibirán a cantidade de mil trescentos (1.300) euros con cargo a dita aplicación e en concepto de participación. Todos os premios estarán suxeitos á normativa fiscal que proceda aplicar.

Sexta.— A orde de actuación no IFEVI das doce rondallas inscritas decidirase mediante un sorteo público, que se realizará na sede de Vigo da Deputación de Pontevedra.

Sétima.— O xurado do concurso cualificará entre 0 e 16 puntos cada unha das agrupacións, valorando os seguintes elementos:

1. Criterios relacionados coa cultura tradicional e popular galega (valoración máxima 10 puntos):
   • Instrumentación musical tradicional: máximo 4 puntos
   • Repertorio musical: máximo 4 puntos
   • Vestimenta de todos os compoñentes da rondalla: máximo 2 puntos
2. Outros criterios (valoración máxima 6 puntos):
   • Evolución e coreografía en pista: máximo 3 puntos
   • Instrumentación musical xeral: máximo 3 puntos

Oitava.— Cada rondalla disporá dun máximo de doce minutos para realizar as interpretacións que estime oportunas. O tempo dispoñible computarase desde o momento de entrada do primeiro membro da rondalla ata o momento da saída do derradeiro compoñente do escenario da actuación.

Novena.— Establécense as seguintes penalizacións por exceso de tempo:

• 10 puntos, polo primeiro minuto ou fracción
• 20 puntos, polo segundo minuto ou fracción
• 30 puntos, polo terceiro minuto ou fracción

As agrupacións descualificarase inmediatamente nos seguintes casos:

• Cando o exceso de tempo supere os tres minutos
• Cando figuren na pista menos de 40 compoñentes

As rondallas presentaranse coa mesma formación inicial coa que realizan as actuacións ó longo do ano e os seus delegados daranlle, previa deliberación, a súa conformidade ó xurado. así mesmo, tamén lle proporán, previa votación entre eles, o premio ó Mellor Conxunto de abandeirados.

Décima.— Os himnos oficiais dos estados e das comunidades autónomas non se poderán incluír nos repertorios das rondallas participantes.

Décimo primeira.— O xurado do concurso estará composto polos seguintes membros:

• Presidente: O presidente da Deputación de Pontevedra ou persoa en quen delegue.
• Vogais:
  • Tres persoas relacionadas coa música, a danza, a etnografía, o folclore ou a cultura tradicio- nal galega, nomeadas pola Presidencia.
  • Unha persoa nomeada pola federación de Peñas Recreativas El Olivo.
  • Unha persoa nomeada pola Agrupación de Centros Deportivos e Culturais de Vigo.
• Secretario: o titular da Deputación ou funcionario en quen delegue, que certificará o cumprimento das condicións establecidas nestas bases

Correspóndelle ó xurado resolver as controversias que xurdan na interpretación das bases; o seu presidente dispón tamén de voto de calidade para resolver os posibles empates. En relación ás posibles causas de abstención dos membros do xurado estarase ó disposto no art. 28 da lei 30/92, de 26 de novembro.

Décimo segunda. —A participación neste concurso implica a aceptación de todas e cada unha destas bases. a decisión do xurado será inapelable.

Décimo terceira. —O comité organizador é o órgano de goberno, administración e coordinación de todos os aspectos do concurso e o que tomará as medidas oportunas para asegurar o correcto desenvolvemento deste. No caso de que algunha proba teña que ser aprazada ou interrompida por causa xustificada, o comité arbitrará as medidas oportunas para o seu posterior desenlace.

As decisións tomadas polo comité organizador na execución e no desenvolvemento destas bases e todas aquelas cuestións non previstas resolveraas, en cada caso, de maneira irrevogable.

Décimo cuarta. —O comité organizador do IV Concurso Provincial de Rondallas Deputación de Pontevedra constituirase da seguinte maneira:

• Presidente: o presidente da Deputación de Pontevedra ou persoa en quen delegue
• Vogais:
  • Dous representantes da Deputación de Pontevedra
  • Un representante da agrupación de Centros Culturais de Vigo
• Secretario: O titular da Deputación ou funcionario en quen delegue.

Pontevedra, a 12 de decembro de 2012 

A Comunidade de montes de A Guarda, empezou no pasado mes de febreiro e seguindo a día de hoxe tras obter os permisos de patrimonio, para realizar os buracos e iniciar a reforestación no Monte Trega cun control arqueolóxico para a plantación de Castiñeiros e Carballos.

Esta plantación realizase no polígono 24 e parcelas 10001 e 10002 nunha superficie de 41.400 m², onde no ano 2.018 erradicáronse uns 317 eucaliptos de gran tamaño ademais de acacias.

Estes labores realizaranse durante cinco días aproximado de perforación, dous días para o abono, continuandoa plantación coa colaboración de alumnos e alumnas do Colexio As Solanas da Guarda e persoal da Comunidade de Montes.