Cruz Vermella lanza unha campaña para promover o voluntariado en Baixo Miño

Cruz Vermella vai desenvolver durante as próximas semanas unha campaña co obxectivo de promover o voluntariado para os seus programas en Baixo Miño. As accións da campaña darán comezo o día 24 con reparto de información e seguirase con diferentes acciones de divulgación durante os próximos meses.

Os destinatarios desta campaña son aquelas persoas maiores de 16 anos, con inquietudes sociais e que dispoñan dalgunhas horas libres á semana. Ademais, non fai falla ter un perfil específico, xa que a institución facilita a formación necesaria para o correcto desenvolvemento da actividade. Principalmente, preténdese ampliar o número de persoas voluntarias que se animen a participar nos distintos proxectos que se desenvolven dirixidos á infancia, a persoas maiores e inmigrantes.

Actualmente, a Asemblea Comarcal de Cruz Vermella en Baixo Miño conta coa colaboración dun equipo de voluntariado activo de máis de 35 persoas que cada día participan dunha forma solidaria e altruísta no desenvolvemento dos diferentes programas. No último ano, desenvolvéronse 2.100 horas de acción voluntaria na comarca que permiten a realización dunha serie de actividades que non serían viables sen a aportación das persoas voluntarias. Sen embargo, a maior demanda de servizos sociais e os novos problemas emerxentes fan necesaria unha maior incorporación de voluntarios e voluntarias á Institución.

A Forza V, a Forza do Voluntariado

Cruz Vermella é a organización co maior movemento voluntario do mundo. Como referentes neste ámbito, Cruz Vermella busca seguir innovando para coñecer as inquietudes e causas que orientan ó voluntariado a prestar axuda ós demais, apostando por un modelo de voluntariado que evoluciona, que se forma e que é activo, solidario e crítico.

Para a Institución, todo o que pasa réxese polas leis da física: igual que os obxectos caen pola gravidade, igual que a forza afecta ós obxectos en aceleración, existe a ‘Forza V’, a forza que move ó voluntariado ante una situación de necesidade para responder, para axudar no seu entorno, e en todas partes.

Así queda demostrado día a día, acompañando a persoas maiores para paliar unha situación de soidade non desexada, escoitando as que precisan un desafogo emocional, orientando e formando ás que necesitan un emprego, ou entregando bens e produtos de primeira necesidade en xeral a quen o precisa.

O perfil máis numeroso das persoas que deciden facer voluntariado en Cruz Vermella é o de muller, cunha media de 41 anos, e estudos superiores, que realiza a súa acción de voluntariado na área de Intervención Social.

Sobre Cruz Vermella

Cruz Vermella representa o maior movemento humanitario, cidadán e independente do mundo. Leva 158 anos colaborando con entidades públicas e privadas para que a humanidade e a dignidade chegue a tódalas persoas, en calquera lugar, e en todo momento e circunstancias.

En España, Cruz Vermella conta con máis de 256.000 persoas voluntarias e máis de 1.250 puntos de atención en todo o territorio, que permiten atender anualmente a case 15 millones de persoas en todo o mundo.  Todo isto co apoio de preto de 1,4 millóns de socios, empresas e aliados en tódolos sectores da sociedade.

Cruz Vermella lanzou o plan ‘Cruz Vermella Reacciona: unha resposta directa, inmediata e próxima ante a crise provocada pola pandemia, o cambio climático e o conflito en Ucrania para responder ás crecentes necesidades da poboación no contexto de incremento sostido dos prezos de bens e servizos básicos. Nunha primeira fase, Cruz Vermella pretende atender as necesidades de máis de 100.000 persoas cun presuposto inicial de 8 millóns de euros. Ante a necesidade básica urxente, Cruz Vermella Reacciona axuda na cobertura inmediata coa entrega de bens e axudas económicas; fomenta o coñecemento de medidas que reducen o nivel de necesidade ou amplía os recursos de cada persoa para mellorar a súa situación; promove a autonomía das persoas, a fin de que lideren o seu propio proceso de cambio; e busca ser una resposta inmediata con vocación de transformación duradeira, implementando accións que consoliden os cambios.

Cruz Vermella Española pertence o Movemento Internacional da Cruz Vermella e da Media Lúa Vermella presente en 192 países. Actuando sempre baixo os seus Principios Fundamentais: Humanidade, Imparcialidade, Neutralidade, Independencia, Carácter Voluntario, Unidade e Universalidade.