O PARTIDO POPULAR DO ROSAL PRESENTOU A SÚA CANDIDATURA

O Partido Popular do Rosal presentou a súa candidatura para as próximas eleccións municipais. O candidato á alcaldía, Jesús Mª Fernández Portela, conta cos mesmos membros da lexislatura actual como signo da unidade e do bo traballo feito nestes anos.
O acto desenvolveuse na Sala de Exposición do Concello acompañado dun bo número de veciños e veciñas do Rosal e contou coa participación de :
- Jose Ramón Lete, Secretario Xeral para o Deporte
- Nava Castro, Directora de Turismo de Galicia
- Luís Serantes, Secretario de organización do PP de Pontevedra
- Rocío de Sinde, Secretaria Provincial do PP
Destacaron o bo facer do actual alcalde, a súa preocupación e dedicación aos problemas dos veciños e veciñas deste concello e a súa capacidade de diálogo e consenso.
O cabeza de lista presentou os obxectivos propostos en todas as áreas de traballo, dando prioridade as áreas de Servizos Sociais e de Emprego e Formación de xeito que, a atención psicolóxica a menores, o servizo de atención básica no fogar e de dependencia , as axudas a familias en risco social, a posta en marcha do IV Plan de Igualdade, e a mellora da situación das persoas desempregadas, a formación ocupacional , o asesoramento a emprendedores e a participación en programas de emprego, formarán parte do seu traballo diario, asegurou Jesús Mª Fernández Portela.