A CANDIDATA DO PP DE A GUARDA CONCHI ORTEGA REUNÍUSE CON ASOCIACIÓNS DEPORTIVAS, CULTURAIS E DE ASUNTOS SOCIAIS

Onte ás seis da tarde no Centro San Xerome de A Guarda, foron convocadas por Conchi Ortega as asociacións do deporte, cultura e asuntos sociais da nosa vila.
Asistiron como invitados o Presidente da Deputación de Pontevedra Rafael Louzán e o Secretario Xeral para o Deporte José Ramón Lete.
Louzán abríu a reunión dicindo que Conchi lle transmitira ás necesidades do concello en materia de deporte, e que quería dar resposta a esa demanda coa construción dun Pavillón Polideportivo cun investimento de 2.958.857,35 €. Dixo ademáis que no caso de asumir a alcaldía, apoiaría (na medida das posibilidades) a construcción dun novo campo de fútbol de herba sintética.
No tocante á cultura, e sempre atendendo ás demandas de Conchi Ortega, dixo que se estaba a traballar na posibilidade de reformar un edificio para dar cobertura aos colectivos de artistas de ámbito cultural, e crear o Viveiro de Talentos Creativos, unha das propostas máis ambiciosas do programa dos Populares de A Guarda.
Mais tarde tomou a palabra Lete. No seu discurso afirmou que os éxitos do deporte na Guarda, o esforzo dos deportistas individuais e dos clubs, e o gran potencial detectado na xuventude polo deporte, xustificaban a construción dese Pavillón. As instalacións do mesmo estarían habilitadas para a práctica do deporte adaptado.
De seguido, realizóuse unha exposición pormenorizada do proxecto polo técnico que colaborou na súa redacción.
Ao final da exposición, Louzán, Lete e Ortega contestaron a multitude de preguntas que lle fixeron os asistentes. Tamén xurdiron preocupacións moi serias por parte dos representantes das asociacións deportivas e culturais, que ante o asombro dos presentes, se queixaron da falta de colaboración por parte do actual concello ante os eventos culturais, deportivos e do sectarismo da actual corporación, favorecendo a uns e despreciando a outros.
A Asociación Avelaiña agradeceu ao Presidente da Deputación a atención amosada no seu centro de Baiona, e dixo que tamén teñen actividades deportivas e culturais as cales era importante telas en conta.
Louzán reiterou o compromiso coa realización do Pavillón Polideportivo e asegurou que estaría finalizado antes da próxima lexislatura.
Conchi Ortega dixo estar moi satisfeita coa reunión e valorou positivamente a participación das asociacións. Según ela, é acercándose aos cidadáns cando se coñece a realidade dos problemas, e escoitalos o primeiro paso para resolvelos.