PRESENTACIÓN DA CANDIDATURA DE CONVERXENCIA GALEGA O SÁBADO 18 EN OIA

O próximo sabado día 18 as 20,30 horas, na Casa da Cultura da Comunidade de Montes de Mougás, se vai levar a cabo a presentación da Candidatura de CONVERXENCIA GALEGA que encabeza no Concello de Oia, JOSE LUIS GIRALDEZ FIGUEIRO, para as eleccións municipais do 24 de maio.
Dende CONVERXENCIA GALEGA, estamos convencidos de que presentamos un candidato moi implicado en actividades culturais e formativas, exercendo actualmente o cargo de Director-Profesor da Mini-Banda Infantil.
Queremos ser unha referencia de homes e mulleres, maioritariamente persoas novas que queren traballar arreo para loitar contra o pesimismo que invade a nosa xente e loitar para evitar que en poucos Oia non se convirta nún pobo donde maioritariamente a súa poboación sea de xubilados, sin unha alternativa para a xuventude.
Os homes e mulleres que forman a Candidatura e a agrupación local de CONVERXENCIA GALEGA, co séu Candidato (JOSE LUIS GIRALDEZ FIGUEIRO) non pretendemos crear falsas ilusións electoralistas, xa que para iso xa están outros, nos non queremos soltar mentiras, polo que nos poñemos a disposición dos veciños/as de Oia, loitaremos e faremos o máximo esforzo para frena-lo proceso emigratorio, polo que trataremos de implementar medidas para fomentar creación de postos de traballo entre os veciños/as
Buscaremos tódalas vías para sanear as finanzas municipais facendo labores de control de gastos e intentar potenciar o traballo para autónomos e pequenas empresas, para que se poida crear e potenciar o traballo na localidade.
Plantexaremos un gran reaxuste dos salarios da Corporación Municipal, tanto do Alcalde como dos Concelleiros/as con dedicación exclusiva, para que o mesmo sexa real ca media da localidade e non un privilexio como na actualidade.
Implementar programas de aforro dos gastos públicos, e desta maneira conseguir que exista diñeiro para levar acabo aquelas inversións prioritarias no Concello, e loitando contra o despifarro de todo tipo, para que cada EURO (€) dos veciños/as de Oia teña o mellor rendimento.
Porque os homes e mulleres que compoñen a candidatura de CONVERXENCIA GALEGA son "xente coma tí", podemos resumi-lo nunha frase: "Queremos que o Concello de Oia sexa de tódolos/as veciños/as, sen privilexios para "compañeiros" nin "amiguiños"
Oia, a 08 de abril de 2.015