A Deputación financia no Rosal a rehabilitación e acondicionamento dun edificio de formación e un comedor escolar

Máis polo miúdo, para a rehabilitación da envolvente térmica, as obras implican a substitución da cuberta actual de fibrocemento por un panel tipo sándwich con núcleo de poliuretano, o illamento da fachada exteriormente, a renovación da actual carpintería por unha nova de PVC con tripla xunta e vidro dobre, a instalación das portas tamén de PVC con vidros de seguridade, e a demolición do pavimento actual e colocación dun novo na zona prevista para o comedor. Pola súa banda, para o acondicionamento do local para comedor vaise a realizar a demolición dalgún tabique e do solado actual e, posteriormente, vanse a executar novas divisións, instalacións e aseos. Así mesmo, tamén se fará unha renovación do falso teito e das portas de paso a interiores.

Ademais das achegas correspondentes á Liña 1, que son este ano de 403.555,67 euros, o concello de O Rosal tamén ten á súa disposición polo Plan Concellos 2019 un total de 52.129,42 euros na Liña 2 de amortizacións e débedas. Así mesmo, outros 127.627,20 euros da Liña 3 de emprego cos que a Deputación financia a contratación de 12 traballadores e traballadoras para o concello.